اسلام آباد۔16جولائی (اے پی پی): وزارت راجی فوڈ سیکیورٹی ءُ فوڈ سیکیورٹی ءَ رسانکدر ءَ شنگ بوھوکیں لھتیں گمراہ کنوکیں ھال آنی سر ءَ سنجیدگی ءَ گوں دلگوش داتگ کہ آئی ءَ گوشت کہ حکومت ءُ شوگر ملز ایسوسی ایشن ءِ نیام ءَ گوستگیں گند ءُ نند ءِ سوبمند نہ بوتگ۔ وزارت ءِ راجی فوڈ سیکیورٹی ءُ فوڈ سیکیورٹی ءَ وتی بیان ءِ تہ ءَ اے گپ پدر کتگ کہ …
راجی فوڈ سیکیورٹی ءُ فوڈ سیکیورٹی ءِ وفاقی وزیر رانا تنویر حسن ءِ سروکی ءَ دیوان ءَ شکر ءِ نرخ آنی ھوالگ ءَ یک ھاسیں ءُ مھکمیں پیسلہ
گیشتریں ھال
اسلام آباد۔16جولائی (اے پی پی): وزارت راجی فوڈ سیکیورٹی ءُ فوڈ سیکیورٹی ءَ رسانکدر ءَ شنگ بوھوکیں لھتیں گمراہ کنوکیں ھال آنی سر ءَ سنجیدگی ءَ گوں دلگوش داتگ کہ آئی ءَ گوشت کہ حکومت ءُ شوگر ملز ایسوسی ایشن ءِ نیام ءَ گوستگیں گند ءُ نند ءِ سوبمند نہ بوتگ۔ وزارت ءِ راجی فوڈ سیکیورٹی ءُ فوڈ سیکیورٹی ءَ وتی بیان ءِ تہ ءَ اے گپ پدر کتگ کہ راجی فوڈ سیکیورٹی ءُ فوڈ سیکیورٹی ءِ وفاقی وزیر رانا تنویر حسن ءِ سروکی ءَ دیوان ءَ شکر ءِ نرخ آنی ھوالگ ءَ ھاسیں ءُ ٹھوس پیسلہ کتگ۔ شکر ءِ ایکس فیکٹری ءِ نرخ 165 کلدار ءِ سرا ٹھینگ بوتگ وھدے کہ خوردہ نرخ 173 ءَ چہ 175 کلدار ءَ چہ گیش نہ بیت۔ خوردہ قیمت ءِ بابت ءَ باقاعدہ نوٹس جاری کنگ بوھگ ءَ انت کہ وفاقی کابینہ ءِ منظوری ءَ پد جاری کنگ بیت۔ وفاقی وزیر ءَ گیش زور پر دات کہ درستیں صوبائی حکومت آناں مقررہ خوردہ نرخ آنی سر ءَ عمل کنگ لوٹ ایت تانکہ الس ءَ را ریلیف ءِ پھجارینگ بہ بیت ءُ سرجمیں ملک ءَ نرخ آنی تہ ءَ استحکام برجم دارگ بہ بیت۔ وزارت صارفین ءِ مفاد ءِ رکھینگ ءُ مارکیٹ ءَ شفاف ءُ منصفانہ طریقہ کار ءِ دیمروئی ءِ ھاتر ءَ سیادی داروکیں اسٹیک ہولڈرز ءِ گوما مدام رابطہ برجائی ءِ ھاتر ءَ جزم انت۔
