وفاقی سیکرٹری انفارمیشن امبرین جان ءَ ایس سی او ٹی وی ویژن فٹبال ٹورنامنٹ ءِ بنگیج ءِ مراگش ءَ ’’مہمان ءِ شرپ‘‘ ءِ بستار ءَ بہر زرتگ، صدر آصف زرداری ءَ مبارک بات ءِ کلوہ ونت

شیان۔16جولائی (اے پی پی): وزارت ءِ اطلاعات ءُ نشریات ءِ وفاقی سیکرٹری امبرین جان ءَ چین ءِ شہر شانان ءَ دومی ایس سی او ٹی وی ویژن فٹبال ٹورنامنٹ ءِ بنگیج ءِ مراگش ءَ ”مہمان ءِ شرپ“ ءِ بستار ءَ بہر زرتگ۔ اے موہ ءِ سر ءَ صدر آصف علی زرداری ءِ نیمگ ءَ وفاقی سیکرٹری امبرین جان ءَ مبارکی کلوہ ونت۔ وتی کلوہ ءِ تہ ءَ صدر آصف علی زرداری ءَ پاکستان ءِ حکومت ءُ وت ءِ نیمگ ءَ ٹورنامنٹ ءِ سوبمندیں برجم دارگ ءِ سر ءَ دل ءِ جہلانکی ءَ چہ مبارکی ءِ درشان کت ءُ گوشت کہ اے متحرک گامگیج ایس سی او ءِ باسکیں ملک آنی نیام ءَ دود ءُ ربیدگ ءُ میڈیا ءِ شوبگ ءَ برجاہیں کمک ءِ گواہ اِنت۔ اے مردمانی نیام ءَ رابطہ ءِ دیمروئی ءِ تہا یک ھاسیں کردے پیلو کنت، مشترکہ دود ءُ ربیدگی ورثہ ءِ سرا چمشانک دیگ ءُ آڈیو ویژوئل اظہار ءِ یک طاقتوریں وسیلہ ءِ وسیلگ ءَ جتائیں تہذیبانی نیام ءَ باہمی زانت ءُ احترام ءِ دیمروئی ءِ تہا یک ھاسیں کردے پیلو کنت۔ آئی ءَ گوشت کہ فوٹال ءِ بنگپ ’’شانگھائی اسپرٹ‘‘ ءِ بنیاتی رھبندانی رد ءَ اِنت کہ ایشی ءِ تہ ءَ یکے دومی ءِ سر ءَ بھروسہ ءُ نپ ، برابری، شور ءُ سلاھ، جتا جتائیں دود ءُ ربیدگ آنی احترام ءُ یکجائی دیمروئی ءَ را گیش کنگ بیت۔ اے قدر ءُ قیمت ہما مراگش ءَ چہ پدر انت کہ آئی ءَ مئے راجانی نیام ءَ یکے دومی ءِ سیادی ءَ را مھکم کتگ۔ پاکستان ءِ صدر ءَ وتی کلوہ ءِ تہ ءَ گوشت کہ شنگھائی کوآپریشن آرگنائزیشن پاکستان ءِ واستہ سک باز ارزشتی اِنت، ایشی ءَ چہ دمگی امن، اقتصادی یکوئی ءُ اسٹریٹجک کمک ءِ دیمروئی ءِ واستہ یک ھاسیں پلیٹ فارم ءِ بستار ءَ کار کنگ ءَ اِنت۔ آئی ءَ گوشت کہ پاکستان شنگھائی کمکی گل ءِ جتا جتائیں کمیونٹی آنی نیام ءَ وت مہ وتی یکوئی ءِ تپاکی، دود ءُ ربیدگ ءِ ستا ءُ یکوئی ءِ دیمروئی ءَ را گیش کنگ ءِ واستہ پاکستان ءَ را مردم آنی نیام ءَ یکوئی ءَ را گیش کنگ ءَ سک باز ارزشت دنت۔ آئی ءَ فورم ءِ مزنیں سوبمندی یے ءِ ھاترا جارچیناں داد دات۔