وفاقی وزیر خزانہ ءُ آمدنی محمد اورنگزیب ءَ نجکاری، یوٹیلیٹی اسٹورز ءِ بند کنگ ءُ کارمند آنی کشگ ءِ ھوالگ ءَ دیوان ءِ سروکی

اسلام آباد۔16جولائی (اے پی پی): یوٹیلیٹی اسٹورز کارپوریشن ءِ بندش ءُ نجکاری ءِ عمل ءِ سر ءَ نگرانی ءِ واستہ مزن وزیر ءِ ہدایت ءِ رد ءَ جوڑ بوتگیں ہائی لیول کمیٹی ءِ دیوان چار شمبے ءِ روچ ءَ وزارت خزانہ ءَ وفاقی وزیر خزانہ ءُ ریونیو اورنگزیب ءِ سروکی ءَ برجم دارگ بوت۔ کمیٹی ءَ را یوٹیلیٹی ءِ اسٹور آنی بند کنگ ءِ عمل ءَ را شفاف ءُ منظم رنگ ءَ سرجم کنگ ءِ ذمہ واری داتگ، کارمند آنی واستہ یک موزوں رضاکارانہ سیورینس اسکیم (وی ایس ایس) ءِ تیاری ءُ نجکاری ءِ واستہ یک ھاسیں ٹائم لائن ءِ سوج دیگ ءِ ذمہ واری داتگ۔ گند ءُ نند ءَ مزن وزیر ءِ صنعت ءُ تجارت ءِ ھاسیں کمکار ہارون اختر خان، سیکرٹری اسٹیبلشمنٹ ڈویژن، سیکرٹریٹ فنانس، سیکرٹری صنعت ءُ تجارت، منیجنگ ڈائریکٹر یوٹیلیٹی اسٹورز کارپوریشن ءُ وزارت خزانہ ءُ آمدنی ءَ شریک بوتگ۔ رونوک ءِ سینئر افسراں گند ءُ نند ءَ بہر زرتگ۔ دیوان ءَ داتگیں ہدایت آنی رد ءَ بوتگیں پیشرفت آنی سر ءَ چار ءُ تپاسی کنگ بوت ءُ آیوکیں کارروائی ءِ سر ءَ سرجمیں رنگ ءَ ھیال ءُ لیکہ کنگ بوت۔ اے گپ ءِ پدا زور دیگ بوت کہ حکومت ءِ ہدایت ءِ رد ءَ یوٹیا اسٹورز کارپوریشن ءِ درستیں کار 31جولائی 2025ءَ تاں سرجمی ءَ بند کنگ بنت۔دیوان ءَ یو ایس سی ءِ کارندہ آنی واستہ منصفانہ ءُ مالی رد ءَ قابل عمل وی ایس ایس اسکیم ءِ فزیبلٹی ءِ سر ءَ ھم تفصیل ءَ ھیال ءُ لیکہ کنگ بوتگ۔ دیوان ءِ ساھت ءَ باسکاں پیش کرتگیں وی ایس ایس ءِ جتا جتائیں تک ءُ پہنات آنی سر ءَ چار ءُ تپاسی کت ایشی ءِ تہ ءَ ایشی ءِ بوت کنوکیں کساس، مالی رد ءُ بند، کانودی ءُ انتظامی رد ءُ بند ھوار اَنت۔ کمیٹی ءَ سفارش کتگ کہ یوٹیا اسٹورز ءِ اثاثہ آنی بہا کنگ یا نجکاری ءِ ڈھانچہ ءُ فزیبلٹی ءِ بابت ءَ نجکاری کمیشن ءَ گوں شور ءُ سلاھ کنگ بہ بیت۔ یک جامع تجزیہ ءِ تیار کنگ ءِ ھاتر ءَ چیئرمین ءَ سیکرٹری اسٹیبلشمنٹ ڈویژن ءِ سروکی ءَ کمیٹی جوڑ کتگ۔ وزارت مالیات ءُ وزارت صنعت ءُ مینوفیکچرنگ ءِ نمائندگ آنی سر ءَ یک ذیلی کمیٹی ءِ جوڑ کنگ بوتگ۔ ذیلی کمیٹی پیش کرتگیں وی ایس ایس ءِ قانونی ءُ انتظامی تک ءُ پہنات، دائرہ کار، کساس ءُ ڈھانچہ ءِ سرا چار ءُ تپاسی کنت ءُ ہفتگ ءِ گڈ ءَ تاں وتی رپورٹ ءَ مرکزی کمیٹی ءَ را پیش کنت۔ کمیٹی وتی سفارش آناں گڈی رنگ دیگ ءُ ٹھینگ بوتگیں شرت آنی رد ءَ مزن وزیر ءَ را رپوٹ ءِ دیم دیگ ءَ کمک کنت۔