چیئرمین سینیٹ ءَ گوستگیں روچاں ھور ءِ سبب ءَ جانی ءُ مال ءِ تاوان ءِ سرا غم ءِ درشانی

اسلام آباد۔16جولائی (اے پی پی): چیئرمین سینیٹ یوسف رضا گیلانی ءَ گوستگیں روچاں بوتگیں ھئور ءِ سبب ءَ ملک ءِ جتا جتائیں دمگ آنی تہ ءَ بازیں مردمانی جانی بیرانی ءُ ٹپی بوھگ ءِ سر ءَ دلپدرد ءُ غم ءِ درشانی کتگ۔ سیکرٹری اسٹیٹ ءِ رد ءَ چیئرمین سینیٹ ءَ گوشت کہ قدرتی آفت آزمائش ءِ وھد انت سرجمیں راج یکجائی ءُ یک دومی ءِ کمک ءَ بہ کنت۔ آئی ءَ سیادی داروکیں ادارگ آناں ہدایت کت کہ آ آماچیں دمگ آنی تہ ءَ ریسکیو ءُ ریلیف ءِ عمل ءَ را ترندی ءُ جوانیں رنگ ءَ بہ کن اَنت تانکہ گیشیں جانی تاوان ءَ چہ بچگ بہ بیت۔ آئی ءَ وفاقی ءُ صوبائی حکومت ءَ را زور پر دات کہ آ آماچیں ھاندان آناں سرجمیں رنگ ءَ کمک بہ کن اَنت ءُ کمکی آسراتی ءِ پجاری ءَ را دل یکیمی بہ کن اَنت۔ آئی ءَ بیران بوتگیں مردمانی گس ءِ گوما دلپدردی ءُ دلپدردی ءِ درشانی کتگ ءُ بیران بوتگیں مردمانی مکلی ءُ ٹپیگانی زوت جان سلامتی ءِ دعا کتگ۔