ما ڈیجیٹل دنیا ءِ لوٹ آنی رد ءَ ورنا نسل ءِ تیاری ءِ واستہ مزنیں سرمایہ کاری کنگ ءَ ایں، آئی ٹی ءِ وزیر مملکت ءَ کوریا ءِ چارج ڈی افیئرز ءِ گوما گپ ءُ تران

اسلام آباد۔16جولائی (اے پی پی): آئی ٹی ءِ وزیر مملکت شزہ فاطمہ خواجہ ءَ گوں کوریا ءِ چارج ڈی افیئرز پارک جے لارک ءَ گند ءُ نند کت۔ چار شمبے ءِ روچ ءَ انفارمیشن ٹیکنالوجی ءُ ٹیلی کمیونیکیشن ءِ وزارت ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ وزیر ءِ مملکت ءَ گوشت کہ ما وتی ورنائیں نسل ءَ را ڈیجیٹل دنیا ءِ لوٹ آنی رد ءَ تیار کنگ ءِ واستہ مزنیں سرمایہ کاری کنگ ءَ آں، ءُ ڈیجیٹل پاکستان ءِ وژن مزن وزیر ءِ اولی ترجی اِنت۔ اے موہ ءِ سر ءَ کوریا ءِ چارج ڈی افیئرز پارک جے لارک ءَ گوشت کہ کوریا پاکستان ءِ گوما اسٹریٹجک ڈیجیٹل شراکت داری ءِ واستہ دلگوش انت۔