معاون مزن وزیر ءُ وزیر ءِ درئی کار، جنین محمد اسحاق ڈار ءَ چین ءِ دری کارانی وزیر ءَ گوں گند ءُ نند کتگ، دمگی امن ءُ دیمروئی ءِ ھاتر ءَ کمک ءَ را گیش مھکم کنگ ءِ جزم ءِ درشان

تیانجن۔16جولائی (اے پی پی): شنگھائی کمکی گل ءِ دری کارانی وزیر آنی دیوان ءِ ساھت ءَ چار شمبے ءِ روچ ءَ چین ءِ دری کارانی وزیر وانگ یی ءَ گوں گند ءُ نند کت۔ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ دری کارانی وزیر اسحاق ڈار ءَ وانگ یی ءَ را ایس سی او ءِ دری کارانی وزیر آنی کونسل ءِ سوبمندیں برجم دارگ ءِ سر ءَ مبارک بات داتگ ءُ چین ءِ سروکی ءِ منت گپتگ کہ آئی ءَ را گرمیں وش اتک کتگ۔ دوئیں رہشون آنی نیام ءَ چین ءُ پاکستان ءِ اقتصادی راہداری ءُ کثیر جہتی کمک ءَ ہوار وت مہ وتی دلچسپی ءِ کلیدی شوبگ آنی سر ءَ سرجمیں رنگ ءَ گپ ءُ تران بوتگ۔ کمک ءِ اسٹریٹجک پارٹنر شپ ءِ چیر دستی ءَ مھکمیں دو نیمگی سیادی آنی سر ءَ زور پر دیان ءَ جتاجتائیں پڑ آنی تہ ءَ برجاھیں پاک چین ءِ کمک ءِ سر ءَ دل یکیمی ءِ درشان کت۔ دوئیں نیمگاں دمگی امن، مھکم ءُ دیمروئی ءِ ھاترا دو نیمگی کمک ءَ را گیش مھکم کنگ ءِ وتی جزم ءِ پدا زور دات۔