وفاقی داخلہ ءِ وزیر فتنہ الهندستان ءِ ناشرکارانی نیمگ ءَ چہ ڈی آئی خان ءِ تیرگواری ءَ شہید بوتگیں پولیس ءِ کارندہ آناں توسیپ ءُ ستا پیش کتگ

اسلام آباد۔16جولائی (اے پی پی): وفاقی تہی کارانی وزیر محسن نقوی ءَ ڈیرہ اسماعیل خان ءِ کلاچی یاتگیریں چوکی ءِ نزیک ءَ فتنہ الهندستان ءِ ناشرکار آنی تیرگواری ءِ مذمت کتگ ءُ شھید بوتگیں دوئیں پولیس کارندہ آناں شگر ءُ منت گپتگ۔ وزارت داخلہ ءِ نیمگ ءَ جاڑی بوتگیں بیان ءِ تہ ءَ وزیر داخلہ محسن نقوی ءَ شھید بوتگیں پولیس کارندہ آنی گس ءِ مردم آنی گوما دل ءِ تہ ءَ ھمدردی ءُ دلپدردی ءِ درشانی کتگ۔ وزیر داخلہ ءَ گوشت کہ حالجاہ پختونخوا پولیس ءِ بہادریں بچ آنی قربانی ءَ را سلام انت ۔ محسن نقوی ءَ گوشت کہ شھید بوتگیں پولیس ءِ کارندہ آنی قربانی بے سوب نہ رو اَنت۔ محسن نقوی ءَ گوشت کہ پختونخوا پولیس ناشرکاری ءِ ھلاپ ءَ جنگ ءَ پیشگام ءِ کرد ءَ پیلو کنگ ءَ انت۔ آئی ءَ گوشت کہ من ءَ کے پی کے پولیس ءِ بہادریں سپاھیگ آنی سر ءَ پھر اِنت۔