برطانیہ ءِ واستہ پاکستانی بالی گرابانی دوبر بندات کنگ پاکستان ءِ واستہ سک باز المی ایں میل انت، مزن وزیر شہباز شریف ءَ گوں دیمپانی ءِ وزیر خواجہ محمد آصف ءَ گپ ءُ تران کتگ

اسلام آباد۔16جولائی (اے پی پی): مزن وزیر محمد شہباز شریف ءَ برطانیہ ءِ نیمگ ءَ پاکستانی بالی گراب آنی سر ءَ بندش ءِ ھلاسی ءِ پیسلہ ءِ سر ءَ وزیر دیمپانی ءُ آئی ءِ ٹیم ءِ کوشست آناں ساڑاھگ ءِ وھد ءَ گوشت کہ برطانیہ ءَ پاکستانی بالی گراب آنی پدا بندات کنگ پاکستان ءِ واستہ سک باز ھاسیں سنگ میل اِنت۔ ایشی ءَ چہ برطانیہ ءَ نندوکیں پاکستانی آنی واستہ سفری آسراتی گیش بیت ءُ سیل ءُ سواد ءَ را ھم دیمروئی دنت۔ گوستگیں وھد ءَ پاکستان تحریک انصاف ءِ سروک آنی بے ذمہ داریں کارانی سبب ءَ پاکستانی بالی گراب آنی سر ءَ بندش جنئگ بوتگ ۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ وزیر دیمپانی خواجہ محمد آصف ءَ مزن وزیر محمد شہباز شریف ءَ گوں گند ءُ نند کتگ۔ مزن وزیر ءَ برطانیہ ءِ نیمگ ءَ پاکستانی بالیگ آنی سر ءَ بندش ءِ ھلاسی ءِ پیسلہ ءِ سر ءَ وزیر دیمپانی ءُ آئی ءِ ٹیم ءِ کوشست آناں ساڑات۔ آئی ءَ خواجہ آصف ءَ را مبارکی دات ءُ ایوی ایشن ڈویژن ءِ توسیپ کت۔ مزن وزیر ءَ وزیر دیمپانی ءُ آئی ءِ ٹیم ءِ کوشست آناں ساڑاتگ ءِ گوما گوشت کہ برطانیہ ءَ پاکستان ءِ بالی ءِ بالی گراب ءِ پدا بندات کنگ پاکستان ءِ واستہ سک باز المی ءِ میل اِنت۔ گوستگیں وھد ءَ پاکستان تحریک انصاف ءِ سروکانی غیر ذمہ داریں بیانانی سبب ءَ پاکستانی بالی گرابانی سر ءَ بندش جنئگ بوتگ ءُ ملک ءِ نام ءُ نام تاوان بوتگ ۔ مزن وزیر ءَ گوشت کہ برطانیہ ءَ نندوکیں پاکستانی آنی واستہ تر ءُ تاب ءِ آسراتی گیش بنت ءُ ملک ءَ را ھم دیمروئی دیگ بیت۔ گند ءُ نند ءَ سیاسی ءُ وزارتی معاملہانی سرا ہم گپ ءُ تران بوتگ۔