وفاقی کابینہ ءَ ای او بی آئی پنشن ءِ تہ ءَ 15 درسد گیشی ، کینسر ، دل ءِ نادراھی ءُ جان ءِ رکّینگ ءِ درمان آنی درآمد ءِ سر ءَ پنچ سال ءِ رعایت ءِ منظوری داتگ

اسلام آباد۔16جولائی (اے پی پی): وفاقی کابینہ ءَ یکم جنوری 2025 ءَ چہ ای او بی آئی پنشن ءِ تہ ءَ 15درسد گیشی ءِ منظوری داتگ ءُ کینسر، دل ءِ نادراھی ءُ جان سلامتی ءِ درمان آنی درآمد ءِ سر ءَ پنچ سال ءِ رعایت ءِ منظوری داتگ۔ مزن وزیر کارگس ءِ مڈوے ونگ ءِ نیمگ ءَ جاڑی بوتگیں بیان ءِ رد ءَ سئے شمبے ءِ روچ ءَ مزن وزیر محمد شہباز شریف ءِ سروکی ءَ وفاقی کابینہ ءِ دیوان برجم دارگ بوت۔ وفاقی کابینہ ءَ وزارت ءِ دریائی امور ءِ سفارش ءِ سر ءَ سی کارگو شپنگ ڈاکمنٹس بل 2025 ءِ مسودہ ءِ ھوالگ ءَ المی ئیں قانونی گامگیج ءِ بندات کنگ ءِ منظوری داتگ۔ وفاقی کابینہ ءَ وزارت ءِ اوورسیز پاکستانی ءُ انسانی وسائل ءِ دیمروئی ءِ سفارش ءِ سر ءَ ملازم آنی پیری ءِ آسراتی ءِ ادارگ ءِ پنشن ءِ تہ ءَ 15درسد گیشی ءِ منظوری داتگ کہ ایشی ءَ را یکم جنوری 2025 ءَ چہ عمل کنگ بیت۔ مزن وزیر ءَ ای او بی آئی ءَ ادارگی اصلاحات ءِ ھوالگ ءَ کابینہ کمیٹی جوڑ کنگ ءِ ہدایت کت۔ کمیٹی ءِ تہ ءَ غیر منظم لیبر ءِ شوبگ ءَ را پیری ءِ آسراتی ءِ پھجارینگ ءِ تجویز آنی سر ءَ چار ءُ تپاسی کنگ بیت، چوش کہ لوگی کارندہ، کشت ءُ کشاری کارندہ ءُ ایندگر شوبگ آنی سر ءَ چار ءُ تپاسی کنگ بیت کہ آ تاں انوگ ءَ چہ نادیدہ کنگ بوتگ اَنت۔ غیر منظم شعبہ ءِ تہا اصلاحات ءَ چہ اے گپ ءِ پدر کنگ بیت کہ آ ملازم کہ تاں انوگ ءَ چہ نادلگوش بوتگ انت آہاں وتی حق رس ایت۔ وفاقی کابینہ ءَ وزارت جان سلامتی ءِ سفارش ءِ رد ءَ ہسپتال ءُ جان سلامتی ءَ گوں سیادی داروکیں ادارگ آنی تہ ءَ کارمرد بوھوکیں کینسر، دل ءِ نادراھی ءُ جان سلامتی ءِ درمان آنی درآمد ءِ سر ءَ 5سال ءِ واستہ گیشیں معاف کنگ ءِ منظوری داتگ۔ اے درمان پہ انسان ءِ جان ءِ رکّینگ ءَ سک باز المی اَنت ءُ اے رعایت ایشانی زوتیں دستیابی ءِ ضلورت ءَ ھیال ءَ دارگ ءَ دیگ بوتگ۔ اے درمان ایوک ءَ ہسپتال ءُ سیادی داروکیں ادارگاں دست کپ اَنت ءُ ایشانی پچیں بہا کنگ ءِ سرا بندش جنگ بیت ءُ اے درمانانی درآمد ءِ واستہ لائسنسنگ اتھارٹی ءِ نیمگ ءَ چہ پیسر منظوری لوٹ ایت۔ وفاقی کابینہ ءَ 2 ءُ 3 جولائی 2025 ءَ بانجھ بوھگ ءِ بابت ءَ کابینہ کمیٹی ءِ دیوان ءَ کتگیں پیسلہ آنی منظوری داتگ۔