برطانیہ ءَ پی آئی اے ءِ بالی گرابانی پدا بندات کنگ یک مزنیں دیمروئی یے، پاکستان ءِ نام ءُ توار میاں اوستمانی تک ءَ گیش سہرا بیت، مزن وزیر شہباز شریف

اسلام آباد۔16جولائی (اے پی پی): مزن وزیر محمد شہباز شریف ءَ برطانیہ ءَ پاکستانی بالی گراب آنی سر ءَ بندش ءِ ھلاسی ءِ تجویز داتگ ءُ گوشت کہ پی آئی اے ءِ بالی گراب آنی دوبر بندات کنگ ھاسیں اسٹیک ہولڈر ءُ برطانیہ ءَ نندوکیں پاکستانی آنی واستہ وشی ءِ وسیلگ اِنت۔ چار شمبے ءِ روچ ءَ مزن وزیر ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ پاکستان تحریک انصاف ءِ سروک آنی غیر ذمہ داریں کار آنی سبب ءَ گوستگیں وھد ءَ پاکستانی بالی گراب آنی سر ءَ بندش جنگ بوتگ ایشی ءَ چہ ملک ءِ ساکھ ءَ را تاوان رستگ۔ برطانیہ ءِ نیمگ ءَ چہ پاکستانی بالی گرابانی سر ءَ بندش ءِ ھلاس کنگ برطانیہ ءَ نندوکیں پاکستانیانی واستہ وشی ءُ وشھالی ءِ وسیلہ اِنت ۔ مزن وزیر ءَ گوشت کہ پاکستان ءُ برطانیہ ءِ نیام ءَ پی آئی اے ءِ بالی گراب آناں دوبر بندات کنگ ملک ءِ واستہ وشی ءِ وسیلہ اِنت۔ یک مُلک ءِ ھاسیں، مزن وزیر ءَ پاکستانی بالی گراب آنی سر ءَ بندش ءِ ھلاسی ءِ واستہ نائب مزن وزیر ءُ درئی کارانی وزیر محمد اسحاق ڈار، وزیر دیمپانی خواجہ محمد آصف، وزارت دیمپانی ءُ ایوی ایشن ڈویژن ءِ کوشست آناں ساڑات ءُ گوشت کہ اے جوانیں دیمروئی ءَ چہ پاکستان ءِ ساکھ ءَ را گیش دیمروئی رسیت ءُ برطانیہ ءِ گوما میاں اوستمانی تک ءَ دو نیمگی کمک ءَ را گیش دیم ءَ برگ بیت۔ آئی ءَ گوشت کہ پاکستانی بالی گراب آناں بالی سفر ءِ شوبگ ءَ گلوبل کمپنی آنی گوما مقابلہ کنگ ءِ واستہ گامگیج کنگ بوھگ ءَ انت، ءُ پاکستان ءِ حکومت راجی ہوابازی ءِ شوبگ ءَ شفافیت، احتساب ءُ انٹرنیشنل مانیٹری فنڈ ءِ لوٹ آناں پیلو کنگ ءِ واستہ زبردستیں گامگیج زورگ ءَ انت۔