ایران، عراق ءُ شام ءَ روگ ءَ زائرین ءِ واستہ گروپ آرگنائزر ءِ نظام ءِ سرا عمل کنگ بوھگ ءَ انت۔ حج ٹور آپریٹرز ءِ وڑ ءَ ٹور آپریٹرز ھم آھانی واستہ ھرچ ءُ درچ ءِ پیکج ءِ وسیلگ ءَ دیم ءَ کار اَنت، وفاقی وزیر سردار محمد یوسف

اسلام آباد۔15جولائی (اے پی پی):مذہبی کارانی وفاقی وزیر سردار محمد یوسف ءَ گشتگ کہ ایران، عراق ءُ شام ءَ روگ ءَ زیارتی مردمانی بیگواہی ءَ پد آہانی واستہ زیارتی گروپ آرگنائزر آنی نظام ءِ سرا عمل کنگ بوہگ ءَ انت۔ زائرین گروپ ءِ جارچین کہ شارٹ لسٹ کنگ بوتگ انت آ وتی کاگداں 31 جولائی ءَ تاں وزارت مذہبی امور ءَ جمع بہ کن انت وھدے کہ نوکیں زائرین گروپ ءِ جارچین 10 اگست ءَ تاں وتی درخواست جمع کن انت۔حج ٹور آپریٹرز ءِ وڑ ءَ زائرین ٹور آپریٹرز ھم زائرین ءِ ھاتر ءَ ھرچ ءُ درچ ءِ پیکج ءِ وسیلگ ءَ دات کن انت۔ حج 2026 ءِ واستہ 455ہزار واھشت مندیں پاکستانی آں رجسٹریشن کتگ۔آئی ءَ اے ھیالانی درشانی سئے شمبے ءِ روچ ءَ ادا پریس کانفرنس ءَ گوں تران کنان ءَ کت۔ آئی ءَ گوشت کہ حج ءُ عمرہ ءِ گوما وزارت دینی امور ءِ زمہ واری ھم زائرین آنی واستہ انت۔ ایشی ءَ چہ پیسر عراق، شام ءُ ایران ءَ روگ ءِ زائرین ءِ واستہ ہچ وڑیں خاصیں بندوبست نہ بوتگ۔ پیسر ءَ سالارے ایر کنگ بوتگ ات ءُ آ وت شتگ ات ءُ ویزہ زورگ ءَ ات۔ آئی ءَ گوشت کہ کابینہ ءَ گروپ آرگنائزیشن سسٹم ءِ منظوری داتگ۔ رجسٹریشن ءِ ھاتر ءَ زائر آپریٹر آنی نیمگ ءَ چہ 1413 درخواست رستگ ات کہ ایشی ءِ تہ ءَ 585 درخواست کلیئر بوتگ ات۔ پدا چہ آھاں 340 زائرین ءِ گل ءِ جارچین شارٹ لسٹ کنگ بوتگ اَنت۔ انوگ ءَ تاں 50 کمپنیاں اے کار سرجم کتگ۔ عراق، شام ءُ ایران ءَ رووکیں مردمانی واستہ نوں یک منظمیں نظامے جوڑ کنگ بوتگ۔ زائرین گروپ ءِ نظام ءَ را زوتاں چہ زوت عملی رنگ ءَ بندات کنگ بوھگ ءَ اِنت۔ سردار یوسف ءَ گوشت کہ وزارت ءَ کوھنیں زائرین گل ءِ جارچین آناں 31جولائی ءَ تاں وھد داتگ کہ آ وتی دستاویزات ءَ جمع بہ کن اَنت، وھدیکہ نوکیں درخواست گزار 10اگست 2025 ءَ تاں درخواست دات کن اَنت۔ رجسٹرڈ بوتگ۔ آئی ءَ گوشت کہ انچوش کہ حج ٹور آپریٹرز ءِ زیارتی حج ءَ رو اَنت، زیارتی گچینی زیارتی گل آنی وسیلگ ءَ ھم رو اَنت۔ وزیر داخلہ محسن نقوی اے درگت ءَ ایران ءَ انت۔ دوئیں ملکانی نیام ءَ زائرین ءِ جیڈھ ءَ را نوکیں کمپیوٹرائزڈ سسٹم ءَ گوں ہمگرنچ کنگ بوہگ ءَ انت۔ حج ٹور آپریٹرز ءِ وڑ ءَ زائرین ٹور آپریٹرز ھم زائرین ءِ واستہ ھرچ ءُ درچ ءِ پیکج ءِ وسیلگ ءَ دیم ءَ کار اَنت۔ یک جستے ءِ پسو ءَ آئی ءَ گوشت کہ انوگ ءَ تاں حج 2026 ءِ واستہ 455ہزار زائرین نبشتہ کنگ بوتگ پاکستان ءِ حج ءِ کوٹہ 179ہزار انت وھدیکہ آبادی ءِ رد ءَ مئے حج ءِ کوٹہ 230 ہزار انت۔ ما سعودی سرکار ءَ چہ 230 ہزار ءِ کوٹہ لوٹ اتگ۔ آئی ءَ گوشت کہ ایشی ءِ واستہ زیارتی آناں منظم کنگ لوٹ ایت پرچا کہ چل ہزار پاکستانی زیارتی عراق، شام ءُ ایران ءَ شتگ انت ءُ اودا بیگواہ بوتگ انت۔ اگاں سرکار ءِ گور ءَ آہانی سرجمیں ریکارڈ بوتیں گڑا ما زانتگ ات کہ کجام زائر کجا شتگ انت۔ اے ملکاں اے جیڑہ گوں پاکستان ءَ چست کتگ ات کہ ایشی ءَ پد وفاقی حکومت ءَ زائرین ءِ گل ءِ جارچینانی نظام ءِ سرا عمل کنگ ءِ فیصلہ کتگ ات۔