وفاقی وزیر رانا تنویر حسین ءَ پاکستان شوگر ملز ایسوسی ایشن ءِ گوما مزن تک ءِ دیوان ءِ سروکی

اسلام آباد۔15جولائی (اے پی پی):راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ پاکستان شوگر ملز ایسوسی ایشن ءِ گوما مزنیں تک ءِ گند ءُ نند ءِ سروکی کت ایشی ءِ مول ءُ مراد حکومت ءِ نیمگ ءَ چہ گیشینتگیں ایکس ءِ سر ءَ نرخ ءِ سر ءَ جوانیں رنگ ءَ عمل کنگ ءُ سرجمیں ملک ءَ شکر ءِ بے رکاوٹیں سپلائی ءَ را دل یکیمی کنگ اِنت۔ دیوان ءَ انجمن ءِ چیئرمین، مزنیں باسک ءُ وزارت ءِ مزنیں افسر آں بہر زرتگ۔ اے موہ ءِ سر ءَ شکر ءِ نہاد آنی سر ءَ سرجمیں ھیال ءُ لیکہ کنگ بوت ءُ اے گپ ءِ سر ءَ تپاک کنگ بوت کہ الس ءَ را زوتیں وھد ءَ شکر ءِ سپلائی ءَ را دل یکیمی کنگ بیت۔ شوگر ملز ایسوسی ایشن ءَ حکومت ءِ پیسلہ ءِ توسیپ کتگ ءُ قیمتانی استحکام ءِ ھاتر ءَ سرجمیں کمک ءِ یقین دہانی کتگ۔ انجمن ءَ 165 کلدار ءِ ایکس مل ءِ نرخ ءَ شکر ءِ سپلائی کنگ ءِ سرا تپاک کتگ۔ گمان اِنت کہ آیوکیں دو سئے روچ ءَ چہ شکر ءِ نرخانی تہ ءَ کمی ءِ اثر مارکیٹ ءَ گندگ بوھگ ءَ بندات کن اَنت۔ اے موہ ءِ سر ءَ وفاقی وزیر رانا تنویر حسین ءَ گوشت کہ حکومت الس ءَ را ریلیف پجاری ءِ واستہ سرجمی ءَ جزمیگ اِنت، شکر ءِ مناسب نرخ ءَ پجاری ءِ واستہ ھمک ممکن گامگیج کنگ بوھگ ءَ اِنت۔ آئی ءَ گیش گوشت کہ شکر ءِ خوردہ نرخ ءِ سر ءَ عمل درآمد ءَ را دل یکیمی کنگ بیت ءُ ھچ وڑیں جاور آنی تہ ءَ ذخیرہ کاری یا ناجائزیں منافع ءِ برداشت کنگ نہ بیت۔ وفاقی وزیر ءَ گوشت کہ شکر ءِ نرخ آنی کنٹرول ءِ واستہ جوانیں حکمت عملی جوڑ کنگ بوتگ تانکہ شکر ءِ یک مزنیں سپلائی ءِ برجم دارگ بوت کنت۔ آئی ءَ یک رندے پدا گوشت کہ السی مفاد حکومت ءِ اولی ترجی اِنت ءُ وزارت شوگر انڈسٹری ءِ گوما کار کنت تانکہ نرخ آنی استحکام ءَ را دل یکیمی کنگ بہ بیت۔