بنجاھی تہی کارانی وزیر محسن نقوی مشہد ءَ سر بوتگ، صوبہ خراسان ءِ گورنر جنرل غلام حسین مظفری ءَ گوں گند ءُ نند کتگ، دو نیمگی سیادی ءُ دوئیں نیمگ ءِ مفاد ءِ جیڈھ آنی سر ءَ گپ ءُ تران

مشہد۔15جولائی (اے پی پی):وفاقی تہی کارانی وزیر محسن نقوی ایران ءِ تر ءُ تاب ءِ وھد ءَ مشہد ءَ سر بوتگ۔ صوبہ خراسان ءِ گورنر جنرل غلام حسین مظفری ءَ مشہد ءِ میاں اوستمانی بالی پٹ ءَ آئی ءَ را گرمیں وش آتک کت۔ وزیر داخلہ ءُ صوبہ خراسان ءِ گورنر جنرل غلام حسین مظفری ءِ نیام ءَ گند ءُ نند بوت، ایشی ءِ تہ ءَ دو نیمگی سیادی ءُ وت مہ وتی مفاد ءِ جیڈھ آنی سر ءَ ھیال ریچی کنگ بوت۔ وزارت داخلہ ءِ نیمگ ءَ جاڑی بوتگیں بیان ءِ رد ءَ صوبہ خراسان ءِ گورنر جنرل ءَ وزیر داخلہ ءَ را وش آتک کتگ ءُ گوشت کہ آئی ءِ مشھد ءَ آیگ مئے واستہ شرپ ءِ گپ اِنت، ما ایران ءِ ھلاپ ءَ پاکستانی حکومت ءُ الس ءِ نیک راھی ءِ احساس آناں ساڑاھیں۔ خراسان ءِ گورنر جنرل ءَ گوشت کہ پاکستان جنگ ءِ وھد ءَ ایران ءِ گوما مھکمی ءَ اوشتاتگ ءُ ھمک موہ ءِ سر ءَ ایران ءِ سرجمی ءَ کمک کتگ۔ آئی ئَ گوشت کہ پاکستان ئَ جنگ ئِ وھد ئَ یک برات ئِ سہرا کتگ۔ وزیر ءِ تہی کار محسن نقوی ءَ گوشت کہ ایران ءِ سروکی ءُ الس ءَ جنگ ءِ وھد ءَ بے دروریں جزم ءُ جزم ءِ درشان کتگ۔ پاکستان وتی برات ءِ ھمساھگیں ملک ءِ گوما اوشتاتگ ءُ دیم ءَ ھم اوشتات کنت۔ ایران ءِ سرکار ءَ مشہد ءَ زائرین ءِ آسراتی ءِ ھاتر ءَ جوانیں بندوبست کتگ ءُ سئے نیمگی کانفرنس ءِ پیسلہ پاکستانی زائرین ءِ ایران ءُ عراق ءَ روگ ءَ آسان کن اَنت۔ محسن نقوی ءَ گوشت کہ ایران ءِ تر ءُ تاب سک سوبمند بوتگ ءُ ایشی ءِ تہ ءَ سک باز مہر رستگ۔