آرمی ءِ سروک فیلڈ مارشل سید عاصم منیر ءَ انڈونیشیا ءِ وزیر دفاع ءَ گوں ڈل ءِ ھواری ءَ گند ءُ نند

راولپنڈی۔15جولائی (اے پی پی):چیف آف آرمی اسٹاف فیلڈ مارشل سید عاصم منیر ءَ انڈونیشیا ءِ وزیر دفاع لیفٹیننٹ جنرل (ریٹائرڈ) سیافری سمسودین ءَ گوں جنرل ہیڈ کوارٹر ءَ یک ڈل ءِ گوما گند ءُ نند کت۔ آئی ایس پی آر ءِ نیمگ ءَ جاڑی بوتگیں بیان ءِ رد ءَ گند ءُ نند ءِ ساھت ءَ دوئیں نیمگ ءَ دفاعی کمک ، دمگی ایمنی ءِ جاور ءُ فوجی سیادی ءَ را گیش مھکم کنگ ءِ راہ ءُ درانی سر ءَ ھیال ریچی کنگ بوتگ ۔ گند ءُ نند ءَ دوئیں ملک آنی نیام ءَ دیریں دوستی ءُ کمکی سیادی آنی ضلورت ءِ سر ءَ زور پر دات۔ فیلڈ مارشل ءَ دمگ ءَ امن ءُ ایمنی ءِ برجائی ءِ واستہ وت مہ وتی کمک ءِ ارزشت ءِ سر ءَ زور پر دات۔ انڈونیشیا ءِ وزیر دفاع ءَ ناشرکاری ءِ ھلاپ ءَ جنگ ءَ پاک فوج ءِ کرد ءَ را ساڑات ءُ پاکستان ءِ گوما دفاعی سیادی ءَ را گیش کنگ ءِ واستہ انڈونیشیا ءِ جزم ءِ سر ءَ زور دات۔ گند ءُ نند ءَ انڈونیشیا ءِ وزیر دفاع ءِ گوما جتا جتائیں سروسز ءُ انٹیلی جنس ایجنسی آنی نمائندگاں ھم بھر زرتگ۔