نائب مزن وزیر ءُ دری کارانی وزیر سینیٹر اسحاق ڈار ءَ روس ءِ دری کارانی وزیر ءَ گوں گند ءُ نند کتگ ، وت مہ وتی کمک ءَ را گیش کنگ ءِ سر ءَ تپاک

تیانجن ۔15جولائی (اے پی پی):شنگھائی کمکی گل ءِ دری کارانی کونسل ءِ دیوان ءِ ساھت ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ روس ءِ درئی کارانی وزیر سرگئی لاوروف ءَ گوں گند ءُ نند کت۔ دری کارانی کارگس ءِ جارکش ءِ رد ءَ گند ءُ نند ءِ ساھت ءَ دوئیں نیمگ ءَ وت مہ وتی سیادی آنی جوانیں رجحان ءِ سر ءَ دل یکیمی ءِ درشان کتگ ءُ بیپار، توانائی، کشت ءُ کشاری ءُدیمپانیءِ شوبگ ءَ کمک ءَ را گیش ودینگ ءِ سر ءَ تپاک کتگ۔ نائب مزن وزیر ءُ دری کارانی وزیر سینیٹر محمد اسحاق ڈار ءَ روس ءِ دری کارانی وزیر سرگئی لاوروف ءَ را پاکستان ءِ تر ءُ تاب ءِ دعوت ءِ یک رندے پدا گشتگ۔