برطانیہ ءِ ہاؤس آف کامنز ءَ وفاقی وزیر تجارت جام کمال خان ءَ پاکستان ءِ بابت ءَ آل پارٹی پارلیمانی گروپ ءِ باسکاں گوں گند ءُ نند کتگ

لاہور۔15جولائی (اے پی پی):وفاقی وزیر برائے تجارت جام کمال خان ءَ برطانیہ ءِ پارلیمنٹ ءِ ایوان ایوان ہاؤس آف کامنز ءَ آل پارٹی پارلیمانی گروپ ءِ باسکاں گوں گند ءُ نند کت۔ سئے شمبے ءِ روچ ءَ وزارت تجارت ءِ نیمگ ءَ جاڑی بوتگیں بیان ءِ رد ءَ برطانیہ ءَ برجم داشتگیں گند ءُ نند ءَ دو نیمگی اقتصادی سیادی ءَ را گیش کنگ، پارلیمانی کمک ءَ را گیش کنگ ءُ برطانوی پاکستانی ڈائسپورا ءِ توانائی ءَ را کارمرد کنگ ءِ واستہ تجارتی ءُ سرمایہ کاری رابطہ آناں مھکم کنگ ءِ راہ آنی سر ءَ ھیال ریچی کنگ بوتگ۔ وفاقی وزیر ءَ اے پی پی جی ءِ باسک آناں پاکستان ءِ نوکیں اقتصادی اصلاحات ءِ بابت ءَ سرپد کت کہ ایشی ءِ مول ءُ مراد میکرو اکنامک استحکام ءُ شمولیت ءِ دیمروئی ءَ را دیمروئی دیگ اِنت۔ آئی ءَ راجی ٹیرف پالیسی ءِ چیر دستی ءَ ٹیرف ءِ عقلی کنگ، تجارت ءِ آسراتی ءِ واستہ پاکستان سنگل ونڈو ءِ چالو کنگ ءُ درملکی سرمایہ کار آناں دلکشیں ترغیب ءِ پیشکش کنوکیں ھاسیں اقتصادی زون آنی دیمروئی ءِ وڑیں گامگیج آنی سر ءَ زور پر دات۔ گند ءُ نند ءَ سبز ٹیکنالوجی، قابل تجدید توانائی ءُ پاکستان ءِ دیمروئی کنوکیں آئی ٹی شوبگ ءِ تہ ءَ کمک ءِ نوکیں راہ آنی ھم پٹ ءُ پول کنگ بوت۔ جام کمال ءَ گوشت کہ برطانیہ ءَ نندوکیں 17لکھ پاکستانی دوئیں ملک آنی نیام ءَ پُل ءِ رنگ ءَ کار کت کن اَنت ءُ تجارت ءِ دیمروئی ءَ مزنیں کردے پیلو کت کن اَنت۔ گند ءُ نند ءَ برطانیہ ءُ پاکستان ءِ تجارتی گپ ءُ تران ءِ میکانزم ءِ سر ءَ دستخط کنگ ءَ پد برجائی رفتار ءَ را دل یکیمی کنگ ءِ واستہ پارلیمانی ھوار بوھگ ءُ نجی شعبہ ءِ کمک ءَ را برجاہ دارگ ءِ سر ءَ تپاک کنگ بوتگ۔ دیوان ءَ یکجاھیں اقتصادی وشھالی ءِ واستہ پائیدار شریکداری ءِ جوڑ کنگ ءِ یکجائی جزم ءِ سر ءَ زور پر دات۔