وزیر خزانہ ءَ موڈیز ءَ را اقتصادی استحکام، اصلاحات ءِ گامگیج ءُ جھان ءِ مالیاتی مارکیٹ آنی گوما دوبر ھوار بوھگ ءِ بابت ءَ سرپدی

اسلام آباد۔15جولائی (اے پی پی):وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ پاکستان ءِ حکومت معیشت ءِ پائیدار ریکوری، گورننس ءِ تہ ءَ گہتری ءُ جھان ءِ مارکیٹ آنی گوما موثر رابطہ ءِ وسیلگ ءَ یک اقتصادی ڈھانچے ءِ جوڑ کنگ ءِ واستہ جزم اِنت کہ ایشی ءَ چہ ملک ءِ دیمروئی ءِ پائدگ ھر یک بھر ءُ بانگ ءِ راہ ءَ سر بنت۔ وت سرا انحصار کنگ۔ سئے شمبے ءِ روچ ءَ آئی ءَ ادا وزارت خزانہ ءَ موڈیز ریٹنگ ایجنسی ءِ گوما یک ھاسیں مجازی دیوان ءِ تہا بہر زرتگ۔ اے موہ ءِ سر ءَ وزیر ءِ ھزانگ بلال اظہر کیانی، گورنر اسٹیٹ بینک آف پاکستان ءُ وزارت ءِ ھزانگ، ریونیو ڈویژن ءُ ایندگر سیادی داروکیں ادارگ آنی مزنیں کارندہ ھم ساڑی اتنت۔ گند ءُ نند ءِ ساھت ءَ وزیر ءِ ھزانگ ءَ موڈیز ٹیم ءَ را پاکستان ءِ گوستگیں اقتصادی پیشرفت، اصلاحات ءِ حکمت عملی ءُمالیاتی استحکام ءِ ھوالگ ءَ سرجمیں بریفنگ دات۔ آئی ءَ بین الاقوامی مالیاتی فنڈ (آئی ایم ایف) ءِ اسٹینڈ بائی بندوبست ءِ سوبمندیں آسر، دومی بھر ءِ ریلیز ءُ ریزیلینس اینڈ سسٹینبلٹی فیسیلیٹی ءِ تہ ءَ برجاھیں پیشرفت ءَ را ھاسیں سنگ میل لیک اِتگ کہ ایشی ءَ پاکستان ءِ معیشت ءِ سر ءَ جھان ءِ بھروسہ بحال کتگ۔ وزیر ءِ ھزانگ ءَ گوشت کہ حکومت ءَ مالیاتی ڈسپلن، برآمد ءِ سروکی ءَ دیمروئی ءِ واستہ تجارتی اصلاحات، ھرچ ءُ درچ ءِ تہ ءَ کفایت شعاری ءُ آمدنی ءِ تہ ءَ گیشی ءِ واستہ ٹیکنالوجی ءِ کارمرد کنگ ءِ وڑیں بازیں اصلاحاتی گامگیج چست کتگ اَنت۔ ترجیحی تجارتی رسائی ءِ ھوالگ ءَ امریکہ ءِ گوما برجاھیں گپ ءُ تران ءَ ھم جوانیں پیشرفت بوھگ ءَ اِنت۔ گند ءُ نند ءَ پاکستان ءِ جھان ءِ مالیاتی مارکیٹ آنی گوما دوبر ھوار بوھگ ءِ سر ءَ ھم گپ ءُ تران کنگ بوت، ایشی ءِ تہ ءَ میاں اوستمانی نیمگ ءَ چہ یک ارب ڈالر ءِ تجارتی فنانسنگ، پانڈا بانڈز ءِ جاری کنگ ءِ تیاری ءُ یورو بانڈز ءَ ھوار ایندگر مالیاتی وسیلگ آنی کارمردی ءِ سر ءَ ھم تران کنگ بوت۔ وزیر خزانہ ءَ گوشت کہ مہنگائی ءِ تہ ءَ کمی، پالیسی ءِ شرح ءِ تہ ءَ کمی، زرّ ءِ شرح ءِ تہ ءَ استحکام، کرنٹ اکاؤنٹ ءِ تہ ءَ سرپلس ءُ درملکی زرّ ءِ ذخائر ءِ تہ ءَ مزنیں کساسے ءَ گیشی (جون ءِ گڈ ءَ تاں 14ارب ڈالر ءَ چہ گیش) ملک ءِ اقتصادی بحالی ءِ ٹھوس ثبوت اَنت۔ حوالہ جات ءُ برآمدات ءِ تہ ءَ گیشی ھم معیشت ءِ مھکمی ءُ سرمایہ کار آنی دلبڈی ءِ نشانی اِنت۔ وزیر خزانہ ءَ زور پر دات کہ ٹیکس ءِ تہ ءَ جی ڈی پی ءِ تناسب ءَ را گیش کنگ ءِ واستہ اصلاحات آنی سر ءَ عمل درآمد مزن وزیر ءِ براہ راست نگرانی ءَ کنگ بوھگ ءَ اِنت ءُ حکومت ٹیکس نیٹ ءَ را گیش کنگ، چوری ءِ گر ءُ دار، ءُ موثر وصولی ءِ واستہ جزم اِنت۔ رواں مالی سال ءِ تہ ءَ وت مہ وتی گامگیج آنی وسیلگ ءَ 2 کھرب کلدار ءِ گیشیں آمدنی پیداک کنگ بوتگ ءُ آیوکیں لھتیں سال آنی تہ ءَ ٹیکس ٹو جی ڈی پی ءِ تناسب ءَ را 13-13.5درسد ءَ سر کنگ ءِ ٹارگٹ اِنت۔ وزیر خزانہ ءَ موڈیز ٹیم ءِ جست آنی پسو دات ءُ وتی جزم ءِ درشان کت کہ حکومت اقتصادی اصلاحات، نجکاری، سرکاری ادارگ آنی نوکیں رنگ ءُ دروشم ءُ گورننس سسٹم ءِ گہتری ءِ ایجنڈا ءِ گوما دیم ءَ روگ ءَ برجاہ دار ایت۔ آئی ءَ گوشت کہ پاکستان ءِ معیشت نوں وشھالی، اصلاحات ءُ برجمیں دیمروئی ءِ راہ ءَ انت ءُ حکومت اے سفر ءَ را برجاہ دارگ ءِ وھد ءَ یک شمولیت، مھکم ءُ برآمدات ءِ سرا مبنی معیشت ءِ جوڑ کنگ ءِ واستہ جزمیگ انت۔