لندن۔15جولائی (اے پی پی):وفاقی وزیر برائے تجارت جام کمال خان ءَ برطانیہ ءِ مزن وزیر ءِ تجارت ءِ نمائندہ محمد یاسین ءَ گوں ہاؤس آف کامنز ءَ گند ءُ نند کتگ ءُ وت مہ وتی مفاد ءِ جیڈھ آنی سر ءَ گپ ءُ تران کتگ۔ دوئیں رہشوناں برطانیہ ءُ پاکستان ءِ نیام ءَ تجارتی ءُ سرمایہ کاری ءِ گپ ءُ تران ءِ بندات ءَ را سنگ میل لیک اتگ۔ اے …
وفاقی وزیر برائے تجارت جام کمال خان ءَ برطانیہ ءِ مزن وزیر ءِ نمائندہ ءَ گوں گند ءُ نند کتگ، پاک برطانیہ ءِ اقتصادی کمک ءَ را دیمروئی دیگ ءِ سرا تپاک
گیشتریں ھال
لندن۔15جولائی (اے پی پی):وفاقی وزیر برائے تجارت جام کمال خان ءَ برطانیہ ءِ مزن وزیر ءِ تجارت ءِ نمائندہ محمد یاسین ءَ گوں ہاؤس آف کامنز ءَ گند ءُ نند کتگ ءُ وت مہ وتی مفاد ءِ جیڈھ آنی سر ءَ گپ ءُ تران کتگ۔ دوئیں رہشوناں برطانیہ ءُ پاکستان ءِ نیام ءَ تجارتی ءُ سرمایہ کاری ءِ گپ ءُ تران ءِ بندات ءَ را سنگ میل لیک اتگ۔ اے موہ ءِ سر ءَ ہائی کمشنر ڈاکٹر محمد فیصل ءُ سیکرٹری کامرس جواد پال ھم ساڑی ات۔ سئے شمبے ءِ روچ ءَ وزارت تجارت ءِ نیمگ ءَ جاڑی بوتگیں بیان ءِ رد ءَ جام کمال خان ءَ محمد یاسین ءَ را نوکیں اگدہ ءِ سر ءَ مبارک بات داتگ ءُ جون 2025ءَ محمد یاسین ءِ پاکستان ءِ سوبمندیں تر ءُ تاب ءِ توسیپ کتگ۔ برطانیہ ءُ پاکستان ءِ نیام ءَ تجارتی ءُ سرمایہ کاری ءِ گپ ءُ تران ءِ بندات ءَ را گند ءُ نند ءِ تہ ءَ سنگ میل ءِ نام دیگ بوت۔ وزیر تجارت ءَ گوشت کہ اے گپ ءُ تران مارکیٹ ءَ رسائی ءِ جیڈھ آنی گیواری ءَ کمک کنت ۔ دیمروئی کنوکیں ملک آنی تجارتی سکیم ءِ چیر دستی ءَ دوئیں ملک آنی نیام ءَ تجارت ءِ تہ ءَ گیشی بیت ۔ گند ءُ نند ءَ برطانوی پاکستانی کمیونٹی ءِ کرد ھم ارزشتی ایں زانگ بوت۔ وزیر تجارت ءَ برطانیہ ءُ پاکستان بزنس ایڈوائزری کونسل ءِ جوڑ کنگ ءَ را وش اتک کت۔ آئی ءَ گوشت کہ تجارت ءَ را دیمروئی دیگ ءِ واستہ برطانیہ ءَ بزنس کمیونٹی ءُ چیمبر آنی گوما رابطہ آناں گیش کنگ ءِ ضلورت انت۔ جام کمال ءَ گوشت کہ توانائی، آئی سی ٹی، کشت ءُ کشاری ءُ ہائیر ایجوکیشن ءِ تہ ءَ کمک ءِ واستہ سک باز موہ است انت۔ فریقین ءَ سیاسی ءُ اقتصادی سیادی ءَ را مھکم کنگ ءِ سر ءَ ھم تپاک کتگ ءُ پاکستان ءُ برطانیہ ءِ نیام ءَ یک دائمی ءُ برابریں تجارتی شریکداری ءِ جزم ءِ سر ءَ پدا زور داتگ۔
