پاکستان ءُ انڈونیشیا ءِ نیام ءَ یکجائی دود ءُ ربیدگ، مذہب ءُ راجدپتری سیادی ءِ بنیاد ءَ دیریں دوستی ءِ سیادی است انت، مزن وزیر شہباز شریف ءَ گوں انڈونیشیا ءِ وزیر دیمپانی ءَ گپ ءُ تران

اسلام آباد ءِ سرا بوتگ۔ جولائی (اے پی پی): مزن وزیر محمد شہباز شریف ءَ انڈونیشیا ءِ گوما تجارت، دیمپانی ءُدیمپانی پیداوار ءَ ھوار درستیں شوبگ آنی تہ ءَ اقتصادی ءُ اسٹریٹجک سیادی ءُ دو نیمگی کمک ءَ را گیش دیمروئی دیگ ءِ وتی جزم ءِ پدر کنگ ءَ گوشت کہ پاکستان ءُ انڈونیشیا ءِ نیام ءَ یکجائی دود ءُ ربیدگ، مذہب ءُ میاں اوستمانی کمک ءِ بنیات ءَ دیریں دوستی ءِ سیادی است انت۔ فورماں مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی انڈونیشیا ءِ وزیر دیمپانی لیفٹیننٹ جنرل (ریٹائرڈ) سیافیری سمسودین ءَ گوں گپ ءُ تران کنان ءَ کت آئی ءَ سئے شمبے ءِ روچ ءَ ایوان ءِ گوما گند ءُ نند کت۔ مزن وزیر ءَ قاہرہ ءَ جی 8 سروک دیوان ءِ ساھت ءَ انڈونیشیا ءِ صدر پرابو سوبیانٹو ءِ گوما وتی وشیں گند ءُ نند ءِ یات کت ءُ آئی ءِ واستہ نیکیں واھشت آنی درشان کت۔ گند ءُ نند ءَ پاکستان ءُ انڈونیشیا ءِ نیام ءَ گہتریں راجدپتری، براتی ءُ دوستی ءِ دو نیمگی سیادی آنی سر ءَ ھیال ریچی کنگ بوت۔ مزن وزیر ءَ گوشت کہ پاکستان ءُ انڈونیشیا ءِ نیام ءَ یکجائی دود ءُ ربیدگ، مذھب ءُ راجدپتری یکوئی آنی بنیات ءَ گیشیں وھد ءَ چہ دوستی ءِ سیادی است انت ءُ دوئیں ملک میاں اوستمانی دیوان آنی تہ ءَ یکے دومی ءِ کمک ءَ کن انت۔ مزن وزیر ءَ انڈونیشیا ءِ گوما اقتصادی ءُ اسٹریٹجک سیادی ءَ را گیش گیش کنگ ءُ تجارت، دیمپانیءُدیمپانیی پیداوار ءَ ھوار توامیں شوبگ آنی تہ ءَ دو نیمگی کمک ءِ واستہ پاکستان ءِ جزم ءِ سر ءَ زور پر دات۔ گند ءُ نند ءِ ساھت ءَ دوئیں بامرد آں کثیر نیمگی دو نیمگی کمک ءَ را گیش کنگ ءِ ارزشت ءِ سر ءَ زور پر دات۔ مزن وزیر شہباز شریف ءَ وت مہ وتی منصوبگ آنی تہ ءَ سرمایہ کاری ءِ واستہ انڈونیشیا ءِ گوما کمک ءَ را گیش دیمروئی دیگ ءِ سر ءَ زور پر دات۔ مزن وزیر ءَ پاکستان ءُ انڈونیشیا ءِ نیام ءَ دیمپانیی کمک منوگری ءِ چیر دستی ءَ برجاہیں گامگیج آنی سر ءَ ھم چار ءُ تپاسی کت۔ دوئیں بامرد آں اے منوگری ءِ سرا عمل کنگ ءَ را ترند کنگ ءِ سرا تپاک کتگ۔ لیفٹیننٹ جنرل (ریٹائرڈ) سیافری سمسودین ءَ انڈونیشیا ءِ صدر پرابوو سوبیانٹو ءِ مزن وزیر محمد شہباز شریف ءُ پاکستان ءِ الس ءَ را نیکیں واھگ آنی سر ءَ سر کت۔ آئی ءَ انڈونیشیا ءِ پاکستان ءِ گوما دیمپانیی سیادی ءَ را گیش مھکم کنگ ءُ جتا جتائیں شوبگ آنی تہ ءَ ھاسیں رنگ ءَ دیمپانیی پیداوار ءِ تہ ءَ کمک ءِ واستہ گیشیں موہ آناں شوھازگ ءِ واھشت ءِ سر ءَ زور پر دات۔