لاچین ۔27مئی (اے پی پی):مزن وزیر محمد شہباز شریف آذربائیجان ءِ شہر لاچین ءَ پاکستان ءُ ترکی ءُ آذربائیجان ءِ سئے نیمگی گند ءُ نند ءَ بہر زورگ ءِ واستہ سر بوتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آذربائیجان ءِ درئی کارانی وزیر جیہون بیراموف ، آذربائیجان ءَ پاکستان ءِ سفیر قاسم محی الدین ءُ …
مزن وزیر شہباز شریف سئے پریکی دیوان ءَ بہر زورگ ءِ واستہ آذربائیجان ءِ شہر لاچین ءَ سر بوتگ
گیشتریں ھال
لاچین ۔27مئی (اے پی پی):مزن وزیر محمد شہباز شریف آذربائیجان ءِ شہر لاچین ءَ پاکستان ءُ ترکی ءُ آذربائیجان ءِ سئے نیمگی گند ءُ نند ءَ بہر زورگ ءِ واستہ سر بوتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آذربائیجان ءِ درئی کارانی وزیر جیہون بیراموف ، آذربائیجان ءَ پاکستان ءِ سفیر قاسم محی الدین ءُ سفارتی کارندہ آنی نیمگ ءَ لاچین بالی پٹ ءَ مزن وزیر ءِ وش اتک کنگ بوتگ۔ مزن وزیر محمد شہباز شریف ترکی ءِ صدر رجب طیب اردوان ءُ آذربائیجان ءِ صدر الہام علیوف ءِ ہمراہی ءَ پاکستان ءُ ترکی ءُ آذربائیجان ءِ آزاتیں سروکیں دیوان ءَ بہر زوریت۔ آذربائیجان ءِ صدر الہام علیوف ءَ گوں ھم گند ءُ نند کنت۔ مزن وزیر ءِ ھمراہی ءَ نائب مزن وزیر ءُ درئی کارانی وزیر اسحاق ڈار، وفاقی وزیر ءِ ھال ءُ اھوال عطا اللہ تارڑ ءُ مزن وزیر ءِ ھاسیں کمکار طارق فاطمی ھم ھوار اتنت۔
