اسلام آباد۔27مئی (اے پی پی): پاکستان ءِ ایٹمی تراک ءِ 27می سالروچ ءِ روچ ءَ یوم تکبیر ءِ مراگش سرجمیں جوش ءُ جزبگ ءَ گوں برجم دارگ بیت۔ یوم تکبیر ءِ سوبمندی ءُ راستی ءِ جنگ ءِ منت واری ءِ درشان کنگ ءِ مستریں ءُ مزنیں مراگش پشاور ءُ میر پور، آزات کشمیر ءَ برجم دارگ بنت۔ کشمیر ءِ کارانی وفاقی وزیر گلگت بلتستان، سیفرون ءُ پاکستان مسلم لیگ ءِ صدر خیبر پختونخوا انجینئر امیر مقام ءِ مستریں گامگیجان بنت۔ گلگت بلتستان ءَ ھم ھاسیں مراگش بنت۔ انجینئر امیر مقام خاری شریف میر پور ءَ مرکزی جلسہ ءَ گشتانک دنت۔ خیبر پختونخوا ءَ یوم تکبیر ءِ تیاری سرجم کنگ بوتگ انت۔ مسلم لیگ (ن) سرجمیں صوبہ ءَ ھاسیں مراگش برجم دار ایت۔ خیبر پختونخوا ءِ مستریں مراگش پشاور ءِ (ن) لیگ ءِ سیکرٹریٹ ءَ برجم دارگ بیت کہ ایشی ءَ امیر مقام ءَ گوں تران کنت۔ انجینئر امیر مقام ءَ ھم (ن) لیگ ءِ سرجمیں بالاں جلسہ کنگ ءِ ہدایت کتگ ءُ گشتگ کہ یوم تکبیر ءُ یوم معرقہ حق راجی عزت ءُ دفاع ءِ سرا سمجھوتہ نہ کنگ ءِ جار انت۔ آ قائد نواز شریف ءُ مزن وزیر شہباز شریف ءَ را سلام پیش کنت۔
