اسلام آباد۔27مئی (اے پی پی): راجی اسمبلی ءِ اسپیکر سردار ایاز صادق ءَ نوشکی ءَ پولیو ءِ ھلاپ ءَ ٹیم ءِ سر ءَ تیرگواری ءِ مذمت کتگ ءُ شھید پولیس کارندہ عبدالواھید ءَ را شگر ءُ منت گپتگ۔ سئے شمبے ءِ روچ ءَ وتی مذمتی بیان ءِ تہ ءَ آئی ءَ شھید عبدالواھید ءِ کھول ءِ گوما دل ءِ جہلانکی ءَ ھمدردی ءُ دلپدردی درشان کتگ ءُ گوشت کہ پولیس افسر عبدالواھید ءِ قربانی دائم ءَ یات کنگ بیت، ءُ آ شھید ءِ کھول ءِ غم ءَ شریک اِنت۔ آئی ءَ گوشت کہ زھگ آنی واستہ ایمنیں باندات ءِ دل یکیمی کنگ ءِ ذمہ واری داتگیں ٹیم ءِ سر ءَ اُرش ناقابل برداشت اِنت۔ چوشیں مردماں گوں آہنی دست ءَ دیم پہ دیم کنگ بیت۔ قومی اسمبلی ءِ سروک ءَ شہیدیں پولیس افسر ءِ رُتبہ ءِ برز کنگ ءُ غم ءِ آماچیں کھول ءِ واستہ صبر ءُ اوپار ءِ دعا لوٹ اتگ۔
