اسلام آباد۔27مئی (اے پی پی): مزن وزیر ءِ صنعت ءُ پیداوار ءِ ھوالگ ءَ ھاسیں کمکار ھارون اختر خان ءَ گوشت کہ پاکستان ءِ معیشت ءَ بزنس کمیونٹی ءِ ھاسیں کرد اِنت ءُ کمپنی ایکٹ ءِ تہ ءَ ترمیم ءِ شور ء ُ سلاھ کنگ بوھگ ءَ اِنت۔ وزارت صنعت ءُ پیداوار ءِ نیمگ ءَ چہ جاڑی بوتگیں بیان ءِ رد ءَ ھارون اختر خان ءِ سروکی ءَ ادارگ آنی نیمگ ءَ غیر ضروری مداخلت، آزار ءُ وام ءِ پھجاری ءِ کمیٹی ءِ مزن تک ءِ دیوان ءَ مزن وزیر شریف محمد ءِ ہدایت ءِ رد ءَ جوڑ بوتگیں کمیٹی آنی کارکردگی ءِ سر ءَ چار ءُ تپاسی کنگ بوتگ۔ آئی ءَ گوشت کہ مزن وزیر ئِ ہدایت ئِ رد ءَ اے پالیسی معیشت ئِ دیمروئی ئِ تہ ءَ ھاسیں کرد ئِ پیلو کن اَنت۔ ہارون اختر خان ءَ گوشت کہ کاروباری برات آناں ھمک رنگ ءِ کانود ءِ رکھینگ بیت، حکومت کاروباری ءُ صنعتی شوبگ ءِ رکھینگ ءَ را دل یکیمی کنت، پاکستان ءِ معیشت ءَ کاروباری برات ءِ کلیدی کرد انت، آھانی رکھینگ المی انت۔ آئی ءَ گوشت کہ کمپنی ایکٹ ءِ تہ ءَ ترمیم ءِ شور ء ُ سلاھ کنگ بوھگ ءَ اِنت، کریڈٹ ءِ رسائی ءِ ھوالگ ءَ پالیشی آرگ بوھگ ءَ اِنت، کمیٹی کاروباری برات ءُ صنعت کار آنی جیڈھ آنی گیواری ءِ گیواری پیش کنت۔
