اسلام آباد۔27مئی (اے پی پی): صدر ءِ مملکت آصف علی زرداری ءَ گوشت کہ مدام ویکسین ءِ گامگیج، جوانیں نگرانی، ءُ جان سلامتی ءِ کارندہ آنی دلیری ءِ آسر ءَ پولیو ءِ کیس 99درسد ءَ چہ گیش کم بوتگ اَنت۔ آئی ءَ سیکورٹی فورسز آناں توسیپ ءُ ستا پیش کہ آواں پاک وطن ءَ را پولیو ءَ چہ پاک کنگ ءِ ھاترا وتی جان آناں قربان کتگ۔ آئی ءَ گوشت کہ مارا پولیو ءِ کارندہ آنی ایمنی ءَ را دل یکیمی کنگی اِنت۔ ما وتی ایمن نہ ننداں داں کہ پولیو سرجم ءَ ھلاس نہ بیت۔ سئے شمبے ءِ روچ ءَ ایوان ءِ صدر ءِ پریس ونگ ءِ رد ءَ صدر ءِ مملکت ءَ پولیو ءِ ھلاسی ءِ سرجمیں ملکی گامگیج ءِ ھوالگ ءَ وتی پیغام ءِ تہ ءَ گوشت کہ پاکستان ءَ 26مئی ءَ چہ یکم جون ءَ سرجمیں ملک ءَ پولیو ءِ ویکسینیشن گامگیج بندات کتگ۔ صدر ءَ گوشت کہ اے کمپین ءِ تہ ءَ 4لکھ ءَ چہ گیش کارمند مئے شھر، میتگ ءُ دوریں درہ آنی تہ ءَ دروازگ ءِ دروازگ ءَ رو اَنت ءُ پولیو ءِ زند ءِ رکّینگ ءِ قطرہ ءِ دیم دیگ ءَ اَنت۔ مئے گامگیج ءِ مول ءُ مراد پولیو ءِ سرجمی ءَ ھلاس کنگ ءُ راج ءِ جان سلامتی ءِ باندات ءِ ضمانت دیگ اِنت۔ صدر آصف علی زرداری ءَ چہ مات ءُ پتاں اپیل کتگ کہ آ وتی دروازگاں پولیو ءِ کارندہ آنی واستہ پچ بہ کن انت ءُ وتی زھگاں اے زند ءِ رکّینگ ءِ ڈراپ ءِ رسگ ءَ را دل یکیمی بہ کن انت۔ صدر ءِ مملکت ءَ گوشت کہ مارا ویکسین ءِ بابت ءَ ردیں لیکہ آناں ھلاس کنگ لوٹ ایت۔ من چہ استاد، زانتکار ءُ چاگرد ءَ دزبندی کناں کہ اے کار ءِ حمایت ءَ بہ کن اَنت، ردیں لیکہاں ھلاس بہ کن اَنت ءُ راج ءِ تہ ءَ اعتماد ءِ زندگ بہ کن اَنت۔ آئی ءَ رسانکدر ءَ چہ اپیل کت کہ آ الس ءِ تہ ءَ سرپدی پیداک بہ کن اَنت کہ پولیو ءِ ویکسین ایمن، کارآمد ءُ مئے مستریں سلاہ اِنت۔ صدر ءِ مملکت ءَ گوشت کہ من وتی جنک ءُ خاتون اول عصفہ بھٹو زرداری ءِ سرجمی ءَ کمک کناں، آئی ءِ جہد ءُ جوانیں گامگیج ءَ چہ پولیو ءِ ھلاپ ءَ جنگ ءَ را ترندی دات۔ عاصفہ بھٹو زرداری ءِ مات ءُ پت، بااثریں چاگردی مردم ءُ ورناہاں چہ اپیل مارا یات دنت کہ پولیو ءِ ھلاسی مئے یکجائی ذمہ واری اِنت۔ صدر ءِ مملکت ءَ گوشت کہ پاکستان ءَ 1990 ءَ چہ پد پولیو ءِ ھلاپ ءَ جوانیں پیشرفت کتگ۔ آئی ءَ نوشکی ءَ پولیو ءِ ٹیم ءِ سر ءَ اُرش مذمت کتگ ءُ اُرش ءَ شھید بوتگیں پولیس والا ءِ کھول ءِ گوما دلپدردی ءِ درشانی کتگ ۔ صدر ءَ گوشت کہ من پولیو ءِ بہادریں کارندہ آناں شگر ءُ منت گراں کہ آ وتی جان ءَ را ھر زھگ ءَ را سر کنگ ءِ ھاترا ھترناک کن اَنت۔ صدر ئِ مملکت ءَ گوشت کہ ویکسینیشن ئِ برجاھیں گامگیج، موثر نگرانی ئُُ جان سلامتی کارندہ آنی جرات ئِ آسر ءَ پولیو ئِ کیس 99درسد ءَ چہ گیش کم بوتگ اَنت۔ پولیو ءِ ھلاپ ءَ جنگ انگت ءَ آسر نہ بوتگ۔ 2024 ءَ پولیو ءِ کیسانی تہ ءَ گیشی ءِ نشانی اِنت کہ مارا وتی کوشست آناں گیش مھکم کنگی اِنت۔ آئی ءَ گوشت کہ دوریں دمگ ءُ آوار جتگیں مردم آنی سر ءَ سر بوھگ انگت ءَ چک ءُ پد انت۔ مارا وائرس ءِ سرجمیں ھلاسی ءَ را دل یکیمی کنگ ءِ ھاترا ویکسینیشن ءِ شرح ءَ را گیش کنگ لوٹ ایت۔ ما وتی شان ءُ شانت ءِ سر ءَ آرام نہ کنیں داں کہ پولیو سرجم ءَ ھلاس نہ بیت۔ صدر ءِ مملکت ءَ گوشت کہ من ءَ دل یکیمی اِنت کہ یکجائی ءَ ما پاکستان ءَ را پولیو ءَ چہ پاک جوڑ کُت کناں۔ بیا اِت ہر چُک ءَ ویکسین کن اِت ءُ وتی راج ءَ چہ اے فالج کنوکیں وائرس ءَ رکّین اِت۔
