اسلام آباد۔27مئی (اے پی پی): مزن وزیر محمد شہباز شریف ءَ نوشکی ءَ پولیو ءِ ھلاپ ءَ گامگیج ءِ ٹیم ءِ سر ءَ تیرگواری ءِ مذمت کتگ ءُ تیرگواری ءَ شہید بوتگیں پولیس کارندہ عبدالوحید ءِ کھول ءِ گوما دلپدردی ءِ درشانی کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شہیدیں پولیس کارندہ ءِ گس ءِ مردم آں گوں دلپدردی ءِ درشانی کتگ ءُ آہانی واستہ صبر ءُ اوپار ءِ دعا کتگ۔ آئی ءَ گوشت کہ زھگ آنی آیوکیں باندات ءِ رکھینگ ءِ واستہ وتی زمہ واری آنی پیلو کنگ ءَ پولیو ٹیم ءِ سر ءَ اُرش برداشت کنگ نہ بیت، ءُ پولیو ءِ ھلاپ ءَ گامگیج ءِ ھلاپ ءَ بد نیتی ءِ عناصر ءَ گوں سکیں رنگ ءَ کار کنگ بیت۔
