لاچین۔ 27مئی (اے پی پی) وزیراعظم محمد شہباز شریف پاکستان۔ترکیہ ۔ آذربائیجان سہ فریقی دیوان اٹی بشخ ہلنگ کن آذربائیجان نا شار لاچین آ سرمس۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ لاچین نا بالی پٹ آ آذربائیجان نا وزیرخارجہ جیہون بیراموف، آذربائیجان اٹی تعینات پاکستان نا سفیر قاسم محی الدین و سفارتی عملہ وزیراعظم ءِ بخیرکریر۔ وزیراعظم محمد شہباز شریف ، ترکیہ نا صدر رجب طیب اردوان و آذربائیجان نا صدر الہام علیوف تون اوار پاکستان۔ ترکیہ ۔ آذربائیجان سہ فریقی دیوان اٹی بشخ ہلیک۔ او آذربائیجان نا صدر الہام علیوف تون اوڑدہی ہم کیک۔ نائب وزیراعظم و وزیرخارجہ اسحاق ڈار ، بنجائی وزیر حوالکاری و شینکاری عطاء اللہ تارڑ و وزیراعظم نا خصوصی کمکار طارق فاطمی ئسک ہم وزیراعظم تون اوار ءُ۔
