اسلام آباد۔ 27 مئی (اے پی پی) وزیراعظم نا خصوصی کمکار صنعت وپیدوار ہارون اختر خان پارینے کہ پاکستانی زرگزران اٹی کاروباری برادری نا اہم ءُ کڑد اسے، کمپنیز ایکٹ اٹ ترمیم سلاہ کننگ انگ ءِ۔ وزارت صنعت و پیدوار نا کنڈآن جاری بیان نا رداٹ ہارون اخترخان نا کماشی ٹی ادارہ غاتا بے گرج نیام تمنگ، زیزاریفنگ و وام تا فراوانی آ کمیٹی نا بڑزکو کہول انا دیوان اٹی وزیراعظم محمد شہباز شریف نا پارت آ جوڑ کمیٹی تا کارکڑد نا جاچ ءِ ہلنگا۔ اوپارے کہ وزیراعظم نا پارت نا رداٹ زرگزران نا شونداری کن دا پالیسی اہم ءُ کڑد اس ادا کیک۔ ہارون اخترخان پارے کہ کاروباری برادری ءِ ہرممکن کانودی رکھ فراوان کینہ، حکومت کاروباری و صنعتی بشخ انا رکھ ءِ پک کیک، پاکستانی زرگزران اٹی کاروباری برادری نا اہم ءُ کڑد اسے، اوفتا رکھ المی ءِ۔ اوپارے کہ کمپنیز ایکٹ اٹ ترمیم سلاہ کننگ انگ ءِ، ایکسیس ٹو کریڈٹ نا بابت پالیسی اس اتنگ اُن، کمیٹی کاروباری برادری و صنعت کار آتا ویل آتا ایسری اس پیش کیک۔
