تہران۔26مئی (اے پی پی):مزن وزیر محمد شہباز شریف ءَ گوشت کہ پاکستان ءُ ایران ءِ نیام ءَ بیپار ءُ سرمایہ کاری ءَ ھوار جتا جتائیں شوبگ آنی تہ ءَ کمک ءَ را گیش کنگ ءِ واستہ تپاک کتگ ۔ خطہ ءِ ایمنی ءِ واستہ آپ ءِ جیڈھ، کشمیر ءِ جیڈھ ءُ ناشرکاری ءِ ھلاپ ءَ جنگ ءَ ھوار توامیں لگوکیں جیڈھ آنی گیواری ءِ واستہ ھمساھگیں ملک آنی گوما گپ ءُ تران کنگ ءَ تیار اَنت۔ پاکستان ایمنی ءِ مول ءُ مراد ءِ واستہ ایران ءِ سول نیوکلیئر پروگرام ءِ کمک ءَ کنت۔ اے ھیالانی درشانی آئی ءَ دو شمبے ءِ روچ ءَ ایران ءِ صدر ڈاکٹر مسعود پژاکیان ءِ گوما یکجائی پریس کانفرنس ءَ گوں تران کنان ءَ کت۔ مزن وزیر شہباز شریف ءَ گوشت کہ براتیں ملک ایران ءِ تر ءُ تاب ءَ چہ سک باز وشی بوتگ۔ ایران مئے دومی لوگ اِنت۔ من آئی ءُ آئی ءِ ڈل ءِ منت ءَ گراں کہ آہاں آئی ءَ را گرم ءُ دل ءِ جہلانکی ءَ وش آتک کتگ۔ آئی ءَ گوشت کہ مئے تہ ءَ جوڑیشت ءُ پائدگ مندیں گپ ءُ تران بوتگ ایشی ءِ تہ ءَ ما وت مہ وتی دلچسپی ءُ کمک ءِ توامیں پڑ آنی سر ءَ گپ ءُ تران کتگ۔ برات ءُ ہمساہگیں ملک دوئیں تجارت ءُ سرمایہ کاری ءَ ھوار درستیں پڑاں کمک ءَ را گیش کنگ لوٹ اَنت۔ آئی ءَ گوشت کہ پاکستان ءُ ایران ءِ نیام ءَ دود ءُ ربیدگی ءُ راجدپتری گہتریں سیادی است انت۔ ما اے سیادی ءَ را جتا جتائیں پڑ آنی تہ ءَ تعمیری کمک ءِ تہ ءَ بدل کنگ ءِ پیسلہ کتگ۔ ایران ءِ صدر ڈاکٹر مسعود پزھاکیان ءَ لھتیں روچ پیسر ٹیلی فون کتگ ءُ برصغیر ءِ تہ ءَ پیداکیں جاور ءُ گرانیں وھد ءِ سر ءَ یکوئی ءُ نگرانی ءِ درشانی کتگ۔ من آئی ءِ پاکستانی اُلس ءِ واستہ جیڑہ ءُ براتی مارشتانی شگر ءُ منت وار آں ۔ آئی ءَ اے بحران ءِ گیشیں تناؤ ءِ تہ ءَ گیش بوھگ ءَ چہ رکگ ءِ واھشت ءِ درشانی کت۔ مزن وزیر ءَ گوشت کہ ایران ءِ دری کارانی وزیر عباس اراقچی یک جوانیں سفارتکارے، آئی ءَ پاکستان ءِ تر ءُ تاب ءِ وھد ءَ آئی ءَ گوں اللہ تعالیٰ ءِ فضل ءُ کرم ءُ مئے اُرد ءِ بہادریں کارروائی ءُ پاکستانی راج ءِ وتی سلاہ بندیں اُرد آنی تہ ءَ بے مٹیں کمک ءِ وسیلگ ءَ سرجمیں رنگ ءَ گپ ءُ تران کتگ۔ ما لوٹیں کہ کشمیر ءِ جیڑہ ءَ ھوار درستیں جیڑہ گپ ءُ تران ءِ وسیلگ ءَ گیش ءُ گیوار کنگ بہ بنت، کشمیر ءِ جیڑہ اقوام متحدہ ءِ رھبندانی رد ءَ گیش ءُ گیوار کنگ بہ بیت، 1954 ءَ مرحومیں مزن وزیر جواہر لال نہرو ءَ وعدہ کتگ کہ آ جموں ءُ کشمیر ءِ راج ءَ را ھک ءِ پجاری ءَ کمک کنت، اے مئے ھمساھگی وت مہ وتی واھشت ءُ واھگانی دور سرئیں دوستی ءَ ابید ، جیڈھ سرا ایمنی ءِ ہاترا، تجارت ءِ دیمروئی ءُ انسداد ناشرکاری ءِ ہاترا، بلے اگاں سنجیدگی ءِ درشان کنگ بہ بیت، اگاں جارحیت ءِ راہ ءِ سرا زورگ بہ بیت، گڑا ما وتی ملک ءُ علاقائی یکوئی ءِ دفاع ءَ کنیں چو کہ ما لہتیں روچ پیسر کتگ ات، اگاں آ ایمنی ءِ پیشکش ءَ من انت، گڑا ما حقیقت ءَ پیش داریں ءُ سنجیدگی ءَ گوں ایمنی ءَ لوٹیں کہ ما۔ آئی ءَ گوشت کہ غزہ ءِ جاور ھال انتہائی پریشان کنوک انت، ما ایشی ءِ مذمت کن ایں، 50 ہزار ءَ چہ گیش فلسطینی شہید بوتگ انت، میاں اوستمانی براتی وتی اثر ءُ رسوخ ءَ را دمگ ءَ زوت ءُ دائمی جنگ بندی ءِ واستہ کارمرد بہ کنت۔ آئی ءَ گوشت کہ پاکستان ایران ءَ ایمنی ، دیمروئی ءُ وشھالی ءِ واستہ وتی براتیں راج ءِ گوما اوشتاتگ ءُ ایران ءِ سول ءُایمنی ایٹمی پروگرام ءِ واستہ ما سرجمیں رنگ ءَ ایران ءِ کمک ءَ کناں۔ آیوکیں وھد ءَ ھم اے درگت ءَ نزیکیں شور ءُ سلاھ برجاہ بیت۔ ایران ءِ صدر ڈاکٹر مسعود پزشکیان ءَ گوشت کہ پاکستان یک براتی ھمساھگیں ملکے، ءُ مزن وزیر شہباز شریف ءِ ایران ءِ تر ءُ تاب ءَ را وش اتک کنت۔ دوئیں ملکانی نیام ءَ دہائیاں چہ دود ءُ ربیدگ ءُ راجدپتری سیادی است انت ءُ او آئی سی ءِ پلیٹ فارم ءِ سر ءَ دوئیں ملکانی موقف یک انت۔ ایمنی ءِ وسیلگ ءَ دمگ ءِ دیمروئی ءُ وشحالی ممکن انت، ءُ پاکستان ءُ ہندوستان ءِ نیام ءَ جنگ بندی ءَ را وش اتک کت۔ آئی ءَ گوشت کہ دوئیں ملک آنی نیام ءَ سیاست، معیشت، ءُ میاں اوستمانی سیادی ءَ ھوار جتا جتائیں پڑ آنی تہ ءَ کمک ءِ سر ءَ گپ ءُ تران بوتگ۔ آئی ءَ گوشت کہ سیمسر آنی دمگ آنی تہ ءَ ناشرکاری ءِ ھلاپ ءَ جنگ ءِ ھوالگ ءَ نزیکیں دو نیمگی کمک المی اِنت۔ ایران ءُ پاکستان فلسطین ءِ مول ءُ مراد ءِ مھکمیں کمک ءَ کن اَنت۔ فلسطین ءِ نسل کشی ءِ سرا میان استمانی براتی ءِ بے تواری یک جُست ءِ نشان اِنت۔
