تہران۔26مئی (اے پی پی):مزن وزیر محمد شہباز شریف ءِ ھمراھی ءَ یک ڈل ءِ ھمراھی ءَ ایران ءِ صدر ڈاکٹر مسعود پزشکیان ءَ گوں گند ءُ نند ءِ واستہ سعد آباد پیلس ءَ سر بوتگ ۔ محل ءَ سر بوھگ ءَ گوں صدر مسعود پز شکیان ءَ آھاں وش آتک کت۔ اے موہ ءِ سر ءَ مزن وزیر محمد شہباز شریف ءَ را گارڈ آف آنر ھم پیش کنگ بوت۔ نائب مزن وزیر ءُ درئی کارانی وزیر محمد اسحاق ڈار ، چیف آف آرمی اسٹاف فیلڈ مارشل سید عاصم منیر، وفاقی تہی کارانی وزیر سید محسن رضا نقوی، وفاقی وزیر ءِ اھوالکاری عطا اللہ تارڑ ءُ ھاسیں کمکار سید طارق فاطمی مزن وزیر ءِ ایران ءِ تر ءُ تاب ءِ ھمراھی ءَ ڈل ءِ بھر اَنت۔ اے موہ ءَ دوئیں ملک آنی راجی سوت الہان کنگ بوت انت۔ ایران ءِ صدر ڈاکٹر مسعود پز شکیان ءَ گوں مزن وزیر محمد شہباز شریف ءِ گند ءُ نند ءِ ساھت ءَ دوئیں ملک آنی نیام ءَ وت مہ وتی کمک ءِ دیمروئی ءِ ھوالگ ءَ گپ ءُ تران کنگ بیت۔ مزن وزیر جنوبی ایشیا ءَ ایمنی ءِ واستہ ایران ءِ صدر ءُ الس ءِ شگر ءُ منت ءَ گپت۔ مزن وزیر ڈل ءِ ہمراہی ءَ ایران ءِ مزن رہشون آیت اللہ خایمنی ہ ای ءَ گوں گند ءُ نند کنت ۔ ھاسیں دمگی جیڈھ آنی سر ءَ گپ ءُ تران کنگ بیت ایشی ءِ تہ ءَ دو نیمگی جیڈھ ھوار اَنت۔ مزن وزیر ایران ءِ صدر ءِ میزبانی ءَ شام ءِ ورگ ءَ ھم بھر زوری کنت۔
