اسلام آباد۔ 26 مئی (اے پی پی) وزیرریلوائی حنیف عباسی لاہور قلندرز ءِ پی ایس ایل فائنل اٹی شاندار سرسہبی دوئی کننگ آ مبارکبادی ترساپارینے کہ لاہور قلندرز نا کٹنگ پاکستان نا ورناتا جوزہ نا گچین درور ءِ۔ دا سرسہبی ٹیم ورک و خواری تا سرسہبی ءِ، مچ آ قوم ءِ مبارک مرے۔ لاہور قلندر ز پاکستان کرکٹ نا روشنا آخبت ءِ پک کرینے۔ وزیرریلوائی گوازی گر و کوچنگ اسٹاف ءِ کٹنگ آ خراج تحسین پیش کرے۔ اوپارے کہ لاہور قلندرز نا سرسہبی ورناتیٹی حوصلہ و جوزہ ءِ ودفنگ نا سوب ءِ۔ داسرسہبی پاکستان نا قومی یکجہتی و گوازی تا شونداری نا نشانی ءِ۔ حکومت گوازی تا مون آ دننگ و ورناتا کمکاری کن سنبرینگوک ءِ ۔ لاہور قلندرز نا سرسہبی آن پاکستان کرکٹ نا جہانی تاثر گچین مریک۔وزیرریلوائی قوم ءِ لاہور قلندرز نا تاریخی کٹنگ آ مبارکبادی تس۔ داکٹنگ پاکستان نا ورناگوازی گرآتا خواری ولگن نا بھرم ءِ۔ لاہور قلندرز نا سرسہبی مچ آ قوم ءِ خوشی تسنے۔ داسرسہبی پاکستان اٹ کرکٹ کن است بڈ درور اسے۔ لاہور قلندرز پک کرے کہ خواری وجوزہ اٹ ہرسرسہبی ممکن ءِ۔
