کراچی- 26مئی (اے پی پی) : سندھ مدرستہ الاسلام یونیورسٹی ءُ جرمنی ءِ کولون یونیورسٹی ءَ وانگ ءُ زانگ ءُ اکیڈمک پٹ ءُ پول ءِ تہ ءَ دو نیمگی کمک ءِ دیمروئی ءِ واستہ یک مفاہمت نامہ ءِ سر ءَ دستخط کتگ ءُ مصنوعی ذہانت ءُ سٹیم سیل ٹیکنالوجی ءِ پڑ ءَ پٹ ءُ پول کنگ ءِ سر ءَ تپاک کتگ۔ سندھ مدرستہ الاسلام یونیورسٹی ءِ وائس چانسلر ڈاکٹر مجیب سہرائی ءُ کولون یونیورسٹی ءِ انسٹی ٹیوٹ آف نیوروفیزیالوجی ءِ چیئرمین ءُ ڈائریکٹر پروفیسر ڈاکٹر جرگن ہشلر ءَ ڈاکٹر سہرائی ءِ کولون یونیورسٹی ءِ گوستگیں تر ءُ تاب ءِ وھد ءَ یک مفاہمت نامہ ءِ سر ءَ دستخط کتگ۔ مفاہمت نامہ ءِ رد ءَ لیکچر سیریز ءُ ورکشاپ ءَ ھوار وانگ ءُ زانگ ءِ پروگرام آنی سر ءَ کمک کنگ ءِ پیسلہ کنگ بوتگ، فنڈڈ ریسرچ پروجیکٹ آنی وسیلگ ءَ یکجائی ریسرچ سرگرمی آناں دیمروئی دیگ، ریسرچ ماڈل آناں گڈی رنگ دیگ ءِ واستہ فیکلٹی ءُُ اسٹاف ءِ تبادلہ یا باہمی تر ءُ تاب ءِ بندات کنگ، نودربر آنی تبادلہ ءُ تر ءُُ تاب ءِ پروگرام آنی بندات کنگ ءُُ ریسرچ ءِ کمک ءِ آسر ءُُ ایندگر ٹیکنالوجی ءِ واستہ ریسرچ ءِ کمک ءِ آسراتی ءُ ایندگر ٹیکنالوجی ءِ واستہ کمک کنگ ءِ پیسلہ کنگ بوتگ۔ سندھ مدرستہ الاسلام یونیورسٹی ءِ وائس چانسلر ڈاکٹر مجیب سہرائی ءَ 26 مئی 2025 ءَ یونیورسٹی ءَ برجم داشتگیں دیوان ءَ گوشت کہ سندھ مدریس اسلام یونیورسٹی ءَ نامداریں جھان ءِ ادارگ آنی گوما ھمکاری ءِ بندات کتگ تانکہ فیکلٹی ءُ نودربر آناں ھاسیں رنگ ءَ پٹ ءُُ پول ءِ پڑ ءَ نپ رسیت۔ آئی ءَ گوشت کہ سندھ مدرستہ الاسلام یونیورسٹی ءَ پاکستان ءِ جتاجتائیں صوبہ آنی یونیورسٹی آنی گوما ھم مفاہمت نامہ ءِ سر ءَ دستخط کتگ ۔ آئی ءَ ایس ایم آئی یو ءِ گوما کمک ءِ ھاتر ءَ کولن یونیورسٹی ءِ انتظامیہ ءِ منت گپت ءُُ واھشت ئِے دات کہ دوئیں ادارگ پٹ ءُُ پول ءِ پڑ ءَ سوبمندیں رنگ ءَ دیم ءَ روان کن اَنت۔
