اسلام آباد۔ 26مئی (اے پی پی) اسپیکر قومی اسمبلی سردار ایاز صادق لاہور قلندرز ءِ پاکستان سپر لیگ (پی ایس ایل) 10 ءِ کٹنگ آ مبارکبادی تسنے ۔ تینا تہنیتی کلہو اٹی او پارے کہ لاہور قلندر نا سرسہبی ٹیم ورک و خواری نا بھرم ءِ۔ پی ایس ایل 10 انا فائنل اٹی ہڑتوم آ ٹیمک عمدہ کارکڑد نا درشانی ءِ کریر و کرکٹ نا شونقی تے گچین ءُ گوازی اس ہُننگ کن ملا۔ پی ایس ایل 10اٹی غٹ ٹیمک شاندار کارکڑد اس نشان تسر و کرکٹ نا شونقی تے گچین ءُ کرکٹ اسے آن چس ہلنگ نا موقع ملا۔ چیئرمین پی سی بی و پی سی بی انتظامیہ ءِ گچین بست و بند آتیا مبارکبادی پیش کیوہ، اسپیکر قومی اسمبلی پارے کہ پی ایس ایل 10 اٹی بے مٹ سیکورٹی بست وبند آتیا سیکورٹی ادارہ غاک خراج تحسین نا حقدار ءُ۔ داوخت آ درملکی گوازی گرآتا بشخ ہلنگ جہانی پت انا درشانی ءِ۔ میچ آتا پرامن اڈتننگ آن پاکستان نا مثبت دروشم تالان مسنے۔ اسپیکر قومی اسمبلی پی ایس ایل 10 اٹی بشخ ہلوک آ غٹ گوازی گرآتیکن نیک است خواہی نا درشانی ءِ کرے۔
