استنبول۔ 26 مئی (اے پی پی) وزیراعظم محمد شہباز شریف لاہور قلندر ءِ پاکستان سپر لیگ 10 انا فائنل ءِ کٹنگ آ مبارکبادی پیش کرینے۔ دوشنبے نادے آ پی ایم آفس نا میڈیا ونگ آن جاری بیان نا رداٹ وزیراعظم پی ایس ایل نا دہ می ایڈیشن نا فائنل میچ اٹی شاندار ءُ گوازی اس پیش کننگ آ کوئٹہ گلیڈی ایٹرز و لاہور قلندرنا ستاءِ کرے۔ وزیراعظم پارے کہ لاہور قلندر اسہ سنسنی خیز مقابلہ غان پد ہدف ءِ سرسہبی اٹ دوئی کرے، پی ایس ایل 10 اٹی اوار غٹ ٹیمک گچین ءُ گوازی اسے نا درشانی ءِ کریر۔ اوپاکستان سپر لیگ نا دہ می ایڈیشن نا سرسہب اڈتننگ آ چیئرمین پی سی بی محسن نقوی و پی سی بی نا انتظامیہ ءِ ہم مبارکبادی تس۔ وزیراعظم غٹ گوازی گر خاص کر درملکی گوازی گر آتے خراج تحسین پیش کرے ہرافتا بشخ ہلنگ آن داسرسہب ایونٹ اڈ ہلک۔
