کراچی۔24مئی (اے پی پی): وفاقی وزیر ءِ ھال ءُ اھوال عطا اللہ تارڑ ءَ گوشت کہ پاکستان ءِ سلاھبند اُرد ءَ بھارتی زوراکی ءِ دیمپانی ءَ بہادری ءُ تمردی ءُ حکمت عملی ءِ درشان کتگ ایشی ءِ سبب ءَ دژمن پد ءَ کپتگ۔ فیلڈ مارشل صادق عاصم منرو ءِ بہادری، دور اندیشیں سروکی ءُ پاک فضائیہ ءِ سروک ظہور احمد بابر ءِ بہادری ءِ کار ستا کرز انت۔ ریئر ایڈمرل محمد اشرف ءِ سروکی ءَ پاک بحریہ ءَ دژمن ءِ کش ءُ گوراں سر بوھگ ءَ چہ رکینتگ ءُ پاکستان ءَ راجدپتری سوبمندی رست۔ شمبے ءِ روچ ءَ ادا مسلم لیگ نواز ءِ باسک سمانہ قاسم ءِ جنازہ ءِ نماز ءَ بہر زورگ ءَ پد مدریا ءَ گوں تران کنان ءَ وفاقی وزیر ءِ اھوالکاری ءَ سلاہ بندیں اُرد ءِ سروک ءُ سپاھیگ آناں خراج تحسین پیش کت ءُ گوشت کہ مئے فضائیہ ءُ بحریہ الرٹ ءِ سر ءَ انت، بھارت ءَ مئے ساحل آنی نزیک بوھگ ءِ جرات نہ کتگ۔ اللہ تعالیٰ پاکستان ءَ را ستارہ ءِ سوبمندی ءِ نعمت داتگ، ہندوستان ءِ بالی گراب تیر گواری کنگ بوتگ انت، آئی ءِ فوجی تنصیبات ءَ را تاوان رستگ ءُ نوں ہندوستان ءِ ھلاس بوھگ ءِ کش ءَ انت۔ مزن وزیر شہباز شریف ترکی ، آذربائیجان ءُ ایران ءِ تر ءُ تاب ءَ کنت ۔ آئی ءَ ترکی ءِ صدر رجب طیب اردوان ءَ را پاکستان ءِ معتبریں دوست لیک اتگ ءُ گشتگ کہ رجب طیب اردوان ہر پاکستانی ءِ گران بھائیں مردم انت ءُ پاکستان ءِ دوست انت۔ ہندوستان ءُ پاکستان ءِ جیڑہ ءِ وھد ءَ آئی ءِ کرد ھاسیں بوتگ۔ وفاقی وزیر ءَ گوشت کہ مزن وزیر آذربائیجان ءُ ایران ءِ ھم تر ءُ تاب کنت ءُ باکو ءِ سڑک آنی سر ءَ پاکستان ءِ سوبمندی ءِ جشن ءَ کنت۔ پاکستان ءِ دوستیں ملکاں مئے انصاف ءُ راستیں مکسد ءِ ہمراہداری کت۔ وفاقی وزیر ءَ گشتگ کہ ہندوستان ءَ گپ جنگ ءِ ہچ چیز نیست، ما پہلگام ءِ وئیل ءِ پٹ ءُ پول ءِ ہم لوٹ کتگ ات۔ وفاقی وزیر ءِ اھوالکاری ءَ گوشت کہ اللہ تعالیٰ ءَ پاکستان ءَ را شاندار سوبمندی ءِ نوکی داتگ، سلاہ بندیں اُرد ءِ سروک ءُ مئے فوجی آنی شگر ءُ منت گپتگ۔ آئی ءَ گوشت کہ لبز آنی جنگ ءَ میڈیا ہاؤس ءُ سوشل میڈیا کارمرد کنوک آنی ھاسیں کرد بوتگ، میڈیا ءَ ھم پاکستان ءِ پگر من اِتگ، پاکستان ءَ نہ ایوک ءَ فوجی محاذ ءَ بلکینگ ءَ سفارتی ءُ انفارمیشن ءِ محاذ ءَ برتری رستگ، وھدیکہ بھارت ءِ دروگیں دروشم ءَ پدر کنگ بوتگ۔ وہدے ہندوستان ءَ پاکستان ءِ سرا اُرش کت گڈا آئی ءَ ایشی ءِ قیمت ادا کنگی انت۔ وفاقی وزیر ءِ اھوالکاری ءَ بھارتی زوراکی ءِ وھد ءَ مسلم لیگ کراچی ءِ کارندہ آنی ھزمت آناں ھم ساڑات۔ وفاقی اھوالکاری ءِ وزیر ءَ مسلم لیگ (ن) ءِ کوھنیں باسک سامنھر قاسم ءِ پارٹی ءِ واستہ ازمت آناں یات کنان ءَ گوشت کہ بیران بوتگیں مردم راج دوستیں پاکستانی بوتگ۔ وتی بیرانی ءَ چہ لھتیں کلاک پیسر آئی ءَ وتی سوشل میڈیا پوسٹ ءِ تہ ءَ خضدار ءِ وئیل ءِ سر ءَ اپسوز ءِ درشانی کتگ کہ اے آئی ءِ ملک ءِ گوں بندوک بوھگ ءِ پدّریں ثبوت اِنت۔ ثمینہ قاسم ءِ بیرانی ءِ سرا غم دائم مان انت ۔ آئی ءَ دعا کت کہ اللہ تعالیٰ وتی رحمت ءِ تہا بیران بوتگیں مردم ءَ مزنیں مقامے بہ دنت۔
