اسلام آباد۔24مئی (اے پی پی): صدر ءِ مملکت آصف علی زرداری ءَ پاکستانی کوہ سر کپوک نائلہ کیانی ءَ را کنچن جنگا ءِ کوہ ءِ سر ءَ سر بوھگ ءِ اولی پاکستانی زالبول بوھگ ءِ سر ءَ مبارک بات داتگ ءُ گوشت کہ پاکستانی زالبول باصلاحیت اَنت ءُ جتا جتائیں پڑ آنی تہ ءَ ازمت کنگ ءَ اَنت۔ کوہ سر کپوکائی ءِ پڑ ءَ پاکستانی زالبول آنی ھوار بوھگ ءَ را وش اتک کنگ بیت۔ شمبے ءِ روچ ءَ صدر ءِ مملکت ءِ پریس ونگ ءِ نیمگ ءَ چہ جاڑی بوتگیں بیان ءِ تہ ءَ صدر آصف علی زرداری ءَ نیلا کپانی ءِ توسیپ کت کہ آئی ءَ دگنیا ءِ سیمی بُرزتریں کوہ ءِ سر ءَ سر بوھگ ءِ سر ءَ توسیپ کت ءُ کوہ سر کپوکائی ءِ پڑ ءَ پاکستان ءَ را شان ءُ شُہاز ءِ آرگ ءِ سر ءَ آئی ءَ را شگر ءُ منت گپت۔ آئی ءَ گوشت کہ پاکستانی زالبول باصلاحیتیں مردم اَنت کہ آ جتاجتائیں شوبگ آنی تہ ءَ ازمت کنگ ءَ اَنت۔ صدر ءِ مملکت ءَ گوشت کہ کوہ سر کپوکائی ءِ شوبگ ءَ زالبول آنی بھر زوری ءَ را وش اتک کنگ بیت۔ صدر آصف علی زرداری ءَ ھم نائلہ کیانی ءِ وشیں باندات ءِ نیکیں واھگ آنی درشان کت۔
