اسلام آباد۔24مئی (اے پی پی): مزن وزیر محمد شہباز شریف ءَ گوشت کہ پاکستانی وتی ملک ءَ را لیب ءُ گوازی ءِ ھرچ پڑ ءَ نامدار کنگ ءَ اَنت، ءُ کوہ ءِ سر ءَ سرکپگ ءِ گرانیں لیب ءِ تہ ءَ پاکستانی زالبول آنی نیمگ ءَ ریکارڈ جوڑ کنگ دلبڈی ءِ وسیلگ اِنت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ تہ ءَ مزن وزیر محمد شہباز شریف ءَ کوہ سر کپوک نائلہ کیانی ءَ را دگنیا ءِ بُرزتریں کوہ ءِ سر ءَ سر بوھگ ءِ سر ءَ توسیپ ءُ ستا پیش کتگ، ءُ نائلہ کیانی ءَ را کنچن جنگا کوہ ءِ سر ا لک کپگ ءِ واستہ اولی پاکستانی زالبول بوھگ ءِ سر ءَ ھم مبارک بات دات۔ مزن وزیر ءَ گوشت کہ پاکستانی وتی ملک ءَ را لیب ءُ گوازی ءِ ھمک پڑ ءَ رژناہ کنگ ءَ اَنت۔ کوہ سر کپوکائی ءِ مشکلیں مراگش ءَ پاکستانی زالبول آنی ریکارڈ جوڑ کنگ ءَ گندگ دلبڈی ءِ گپ اِنت۔
