استنبول ۔25مئی (اے پی پی): مزن وزیر شہباز شریف ءَ گوں ترکیہ ءِ صدر رجب طیب اردوان ءَ یک شمبے ءِ روچ ءَ دولماباہچے محل ءَ گند ءُ نند کتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ترکیہ ءِ صدر اردوان ءَ مزن وزیر محمد شہباز شریف ءِ صدارتی ایوان ءَ سر بوھگ ءِ پد ءَ آئی ءَ را گرمیں رنگ ءَ وش آتک کتگ۔ دوئیں راہشونانی ڈل ءِ تک ءَ گند ءُ نند بندات بوتگ ۔ گند ءُ نند ءِ تہ ءَ نائب مزن وزیر ءُ دری کارانی وزیر سینیٹر محمد اسحاق ڈار، فیلڈ مارشل سید عاصم منیر، اھوالکاری ءُ شنگکاری ءِ وزیر عطا اللہ تارڑ ءُ ھاسیں کمکار سید طارق فاطمی ھم بھر زوری کن اَنت۔ ترکیہ ءِ صدر اردوان ءَ مزن وزیر شہباز شریف ءُ پاکستانی ڈل ءِ شرپ ءَ شپ ءِ شام ءِ ھم میزبانی کنت۔
