اسلام آباد۔25مئی (اے پی پی): وفاقی وزیر داخلہ محسن نقوی ءَ پنجاب ءَ گوستگیں روچاں بوتگیں ھور ءِ سبب ءَ جانی ءُ مال ءِ تاوان ءِ سر ءَ دلپدردی ءِ درشانی کتگ۔ محسن نقوی ءَ وتی کلوہ ءِ تہ ءَ پنجاب ءِ سر وزیر مریم نواز شریف ، صوبائی حکومت ءُ پنجاب ءِ مہلوک ءَ گوں دلپدردی ءِ درشانی کتگ۔ آئی ءَ گوشت کہ مشکل ءِ اے ساھت ءَ وفاقی حکومت پنجاب حکومت ءِ گوما اوشتاتگ۔ محسن نقوی ءَ گوشت کہ پنجاب ءَ ھئور ءِ سبب ءَ بازیں انسانی جان ءِ بیرانی ءَ چہ دلپدرد انت۔ آئی ءَ گوشت کہ ما آماچیں کھول ءِ غم ءَ شریک آں ءُ ٹپیگ آنی زوت جان سلامتی ءِ واستہ دعا لوٹیں۔ آئی ءَ بیران بوتگیں مردمانی کھول ءِ گوما ھم دلپدردی ءِ درشانی کتگ ءُ قدرتی آفت ءِ سبب ءَ بوتگیں تاوان ءِ گر ءُ دار ءَ صوبائی واکدار آناں سرجمیں رنگ ءَ کمک ءِ دل یکیمی کتگ۔
