استنبول۔25مئی (اے پی پی): پاکستان ءُ ترکیہ ءَ جتا جتائیں شوبگ آنی تہ ءَ کثیر نیمگی کمک ءَ را گیش مھکم کنگ ءِ جزم ءِ درشان کتگ ءُ دمگی امن، برجمیں دیمروئی ءُ وتی اُلس ءِ یکجائی وشھالی ءِ واستہ یکجائی ءَ کار کنگ ءَ برجاہ دار اَنت۔ وھدے کہ پاکستان ءَ دوئیں ملک آنی نیام ءَ براتی سیادی آناں مھکم کنگ ءِ سر ءَ زور پر دیان ءَ ترکیہ ءِ سرکار ءُ راج ءِ دل ءِ تہ ءَ منت واری درشان کت کہ آ انوگیں پیشرفت ءِ وھد ءَ پاکستان ءَ جنوبی صوبہ آنی تہ ءَ بے مٹیں کمک کتگ ءُ ایشی ءَ را پاکستان ءِ واستہ اُمیت ءُ مھکم ءِ وسیلگ لیک اِت۔ مزن وزیر محمد شہباز شریف ءَ اے گپ ءِ درشانی آدینگ ءِ روچ ءَ ترکیہ ءِ صدر رجب طیب اردوان ءَ گوں گند ءُ نند ءِ ساھت ءَ کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ پاکستان ءِ مزن وزیر محمد شہباز شریف کہ ترکیہ ءِ دو روچی سرکاری تر ءُ تاب ءَ انت آئی ءَ گوں جمہوریہ ترکیہ ءِ صدر رجب طیب اردوان ءَ گرم ءُ دلپھکیں گند ءُ نند کتگ۔ گند ءُ نند ءِ ساھت ءَ پاکستان ءُ ترکیہ ءِ نیام ءَ گہتریں، دوستی ءُ برات ءِ سیادی ءِ پدا پدر کنگ بوت کہ ایشی ءِ تہ ءَ یکجائی قدر ءُ قیمت، وت مہ وتی احترام ءُ دیمروئی ءُ وشھالی ءِ واستہ یکجائی وژن ءِ نشانی انت۔ مزن وزیر شہباز شریف ءَ آئی ءِ ھمراھی ءَ فیلڈ مارشل صادق عاصم منیر ءَ ھم دوئیں ملک آنی نیام ءَ براتی سیادی ءِ مھکمیں رنگ ءَ زور پر دات ءُ جنوبی اوگانستان ءَ برجاھیں جاور ھال آنی وھد ءَ پاکستان ءِ بے مٹیں کمک ءِ واستہ ترک حکومت ءُ الس ءِ دل ءِ تہ ءَ چہ منت واری ءِ درشان کت۔ آئی ءَ ترکیہ ءِ اصولی موقف ءُ پاکستان ءِ واستہ ترکیہ ءِ مہلوک ءِ مھکمیں کمک ءَ را ساڑات ءُ پاکستان ءِ واستہ مزنیں آسراتی ءُ مھکم ءِ وسیلہ گوشت۔ مزن وزیر ءَ پاکستانی سلاہ بندیں اُرد آنی جزم، دلیری، قربانی ءِ جذبہ ءُ دلجمیں راج دوستی ءِ سر ءَ زور پر دات کہ ایشی ءَ را بے دروریں رنگ ءَ درشان کنگ بوتگ ءُ 2019 ءِ دفاع ءِ تہ ءَ ’’حق ءِ جنگ‘‘ ءُ آپریشن ’’بناسان مرسس‘‘ ءِ تہ ءَ پاکستان ءِ شاندار سوبمندی ءِ تہ ءَ مزنیں کرد پیلو کتگ۔ آئی ءَ اقتصادی کمک ءَ را گیش مھکم کنگ ءِ ضلورت ءِ سر ءَ زور پر دات، ھاسیں رنگ ءَ دو نیمگی سرمایہ کاری ءَ را گیش کنگ ءِ واستہ یکجائی منصوبگ ءُ قابل تجدید توانائی، انفارمیشن ٹیکنالوجی، دفاع، بنیاتی ڈھانچہ ءِ دیمروئی، کشت ءُ کشاری ءِ تہ ءَ یکجائی منصوبگ آناں یکجاھیں دلچسپی ءِ کلیدی شوبگ آنی سر ءَ زور پر دات۔ دوئیں رہشوناں دو نیمگی سیادی ءِ درستیں تک ءُ پھنات آنی سر ءَ سرجمیں چار ءُ تپاسی کت ءُ اسٹریٹجک شریکداری ءَ را گیشیں بالاد ءَ سر کنگ ءِ وتی عزم ءِ پدا زور دات۔ ایشاں 13فروری 2025ءَ اسلام آباد ءَ برجم داشتگیں مزنیں تک ءِ اسٹریٹجک کوآپریشن کونسل ءِ 7می دیوان ءِ ساھت ءَ کتگیں کلیدی پیسلہ آنی سر ءَ عمل درآمد ءِ سر ءَ ھم چار ءُ تپاسی کت۔دوئیں نیمگ ءَ دو نیمگی تجارتی ٹارگٹ ءِ سرجمی ءِ واستہ گامگیج چست کنگ ءِ سر ءَ تپاک کنگ بوت کہ ایشی ءِ سر ءَ پیسر ءَ دوئیں رہشون آنی نیام ءَ تپاک کنگ بوتگ۔ دو نیمگی جیڈھ آنی ھواری ءَ مزن وزیر شہباز شریف ءُ صدر اردوغان ءِ نیام ءَ ھاسیں دمگی ءُ میاں اوستمانی جیڈھ آنی سر ءَ ھیال ریچی کنگ بوت۔ دوئیں رہشوناں جموں ءُ کشمیر ءِ جیڈھ ءَ ھوار وت مہ وتی جیڈھ آنی سر ءَ وتی اصولی کمک ءِ پدرائی کت۔ ایشاں غزہ ءِ ھرابیں انسانی جاور ھال ءِ سر ءَ ھم سکیں دلپدردی ءِ درشانی کتگ ءُ زوتیں جنگ بندی ءُ آماچیں فلسطینی آبادی ءَ را بے رکاوٹیں انسانی کمک ءِ رسگ ءِ لوٹ کتگ۔ گند ءُ نند پاکستان ءُ ترکیہ ءِ نیام ءَ کثیر جہتی کمک ءَ را گیش گہتر کنگ ءِ نوکیں عہد ءِ گوما آسر بوت۔ دوئیں رہشوناں دمگی امن، برجمیں دیمروئی ءُ وتی راج ءِ مشترکہ وشحالی ءِ ھاتر ءَ یکجائی ءَ کار کنگ ءِ وعدہ کتگ۔ پاکستانی ڈل ءِ تہ ءَ نائب مزن وزیر ءُ درئی کارانی وزیر محمد اسحاق ڈار، وفاقی وزیر ءِ ھال ءُ اھوال عطا اللہ تارڑ، مزن وزیر ءِ ھاسیں کمکار صدیق طارق فاطمی ءُ ترکیہ ءَ پاکستان ءِ سفیر ڈاکٹر یوسف جنداد ھم پاکستانی ڈل ءِ تہ ءَ ھوار بوتگ اَنت۔ ایشی ءَ چہ پد ترکیہ ءِ صدر رجب طیب اردوان ءَ مزن وزیر شہباز شریف ءُ آئی ءِ ھمراھیں ڈل ءَ را ھم اعزازی ڈگری داتگ اَنت۔
