لاہور۔26مئی (اے پی پی): صدر آصف علی زرداری ءَ پاکستان سپر لیگ ءِ گڈی مراگش ءَ بہر زرتگ۔ صدر ءِ مملکت ءَ لاہور قلندرز ءَ را پاکستان سپر لیگ 10 ءِ چیمپئن جوڑ بوھگ ءِ پد ءَ مبارک بات دات۔صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ پاکستان سپر لیگ 10 ءِ چیمپئن لاہور قلندرز ءَ را پی ایس ایل 10 ٹرافی دات ءُ لاہور قلندرز پلے آناں گولڈ میڈل ھم دات۔ صدر ءِ مملکت ءَ لاہور قلندرز ءِ کپتان شہناز شاہ آفریدی ءَ را داد ءِ چیک ھم دات۔ اے موہ ءِ سر ءَ صدر ءِ مملکت آصف علی زرداری ءَ گوشت کہ لاہور قلندرز ءَ فائنل ءَ جوانیں کارکردگی ءِ درشان کت ءُ دلکشیں میچ ءَ پد ڈسپلن ءِ گوما ٹارگٹ سرجم کت۔ اے موہ ءِ سر ءَ صدر ءِ مملکت ءَ ملک ءِ رکھینگ ءَ پاک بحریہ ءِ ازمت آناں ھم شان ءُ شانت ءِ درشانی کت۔ آئی ءَ گوشت کہ آپریشن بنایان مرسوس ءِ ساھت ءَ پاک بحریہ پاکستان ءِ دریائی سیم سر آنی رکھینگ ءِ واستہ یک مھکمیں دیوال ءِ رنگ ءَ مان بوتگ۔ پاک بحریہ ءِ تیاری ءُ ہشیاری ءَ چہ ہندوستان ءِ بحریہ ءَ را پاکستان ءِ ھلاپ ءَ ہچ وڑیں زوراکیں کارروائی کنگ ءَ چہ رکینتگ۔ صدر ءِ مملکت ءَ گوشت کہ پاکستانی سلاھ بندیں اُرد ءِ ملک ءِ بے وسیں دفاع ءِ برکت انت کہ ما مرچی پی ایس ایل ءِ فائنل ءَ را ایمنی ءَ گوں چارگ ءَ آں ۔ صدر ءِ مملکت ءَ پی ایس ایل ءِ دہمی ایڈیشن ءِ فائنل ءَ کوئٹہ گلیڈی ایٹرز ءُ لاہور قلندر ءِ جوانیں کرد ءِ توسیپ کت۔ صدر آصف علی زرداری ءَ پی سی بی ءِ انتظامیہ ءَ را پاکستان سپر لیگ ءِ دہمی ایڈیشن ءِ کامیاتیں برجم دارگ ءِ پد ءَ مبارکی دات۔
