اسلام آباد۔26مئی (اے پی پی): مزن وزیر محمد شہباز شریف ءَ گوشت کہ ترکیہ ءِ صدر رجب طیب اردوان ءَ گوں گند ءُ نند ءِ ساھت ءَ آئی ءَ پاکستان ءُ بھارت ءُ بھارت ءِ نیام ءَ گوستگیں جیڈھ آنی تہ ءَ پاکستان ءِ مھکمیں کمک ءِ سر ءَ آئی ءِ منت گپت ءُ کثیر جہتی ھاسیں رنگ ءَ دو نیمگی سیادی ءُ سرمایہ کاری ءِ تہ ءَ برجاھیں پیشرفت ءِ سر ءَ ھم چار ءُ تپاسی کت۔ یک شمبے ءِ روچ ءَ ایکس ءِ سر ءَ وتی پوسٹ ءِ تہ ءَ مزن وزیر ءَ گوشت کہ آئی ءَ را مرچی شپ ءَ استنبول ءَ وتی گرانیں برات صدر رجب طیب اردوان ءَ گوں گند ءُ نند کنگ ءِ شرف رستگ۔ من آئی ءِ منت گپت کہ آئی ءَ گوستگیں ہندوستان ءُ پاکستان ءِ جیڈھ ءِ وھد ءَ پاکستان ءِ ھاتر ءَ مھکمیں کمک کتگ ات کہ ایشی ءِ آسر ءَ پاکستان ءِ ھاتر ءَ یک زبردستیں سوبمندی یے رستگ ات، الحمد اللہ۔ پاکستانی راج ءِ نیمگ ءَ وتی ترک برات ءُ گہارانی منت واری ءِ درشانی۔ مزن وزیر ءَ گوشت کہ گند ءُ نند ءِ تہ ءَ ما وتی کثیر جہتی دو نیمگی سیادی ھاسیں رنگ ءَ تجارت ءُ سرمایہ کاری ءِ تہ ءَ برجاھیں پیشرفت ءِ سر ءَ ھم چار ءُ تپاسی کت ءُ برات ءُ کمک ءِ اے بے مٹیں سیادی آناں گیش مھکم کنگ ءِ واستہ یکجائی ءَ کار کنگ ءِ جزم ءِ سر ءَ پدا زور دات۔
