استنبول۔25مئی (اے پی پی): پاکستان ءُ ترکیہ ءَ جتا جتائیں شوبگ آنی تہ ءَ کثیر نیمگی کمک ءَ را گیش مھکم کنگ ءِ جزم ءِ درشان کتگ ءُ دمگی امن، برجمیں دیمروئی ءُ وتی اُلس ءِ یکجائی وشھالی ءِ واستہ یکجائی ءَ کار کنگ ءَ برجاہ دار اَنت۔ دوئیں ملک آنی نیام ءَ براتی سیادی آناں مھکم کنگ ءِ سر ءَ زور پر دیان ءَ پاکستان ءَ جنوبی صوبہ آنی تہ ءَ گوستگیں پیشرفت ءِ وھد ءَ بے مٹیں کمک ءِ سر ءَ ترک حکومت ءُ الس ءِ دل ءِ تہ ءَ چہ منت واری درشان کت ءُ ایشی ءَ را پاکستان ءِ واستہ امیت ءُ مھکم ءِ وسیلگ لیک اِت۔ مزن وزیر محمد شہباز شریف ءَ اے گپ ءِ درشانی آدینگ ءِ روچ ءَ ترکیہ ءِ صدر رجب طیب اردوان ءَ گوں گند ءُ نند ءِ ساھت ءَ کت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ پاکستان ءِ مزن وزیر محمد شہباز شریف ءَ کہ ترکیہ ءِ دو روچی سرکاری تر ءُ تاب ءَ انت آئی ءَ جمہوریہ ترکیہ ءِ صدر رجب طیب اردوان ءَ گوں گرم ءُ دلجمیں گند ءُ نند کتگ۔ گند ءُ نند ءِ ساھت ءَ آھاں پاکستان ءُ ترکیہ ءِ نیام ءَ گہتریں، روایتی ءُ براتی سیادی ءِ دوبر پدر کت کہ ایشی ءِ تہ ءَ یکجائی قدر ءُ قیمت، وت مہ وتی احترام ءُ دیمروئی ءُ وشھالی ءِ واستہ یکجائی وژن ءِ رد ءَ ھوار انت۔ مزن وزیر شہباز شریف ءَ آئی ءِ ھمراھی ءَ فیلڈ مارشل سدا عاصم منرا ھم دوئیں ملک آنی نیام ءَ براتی سیادی ءِ مھکمیں رنگ ءَ زور پر دات ءُ جنوبی ایشیا ءِ دمگ ءَ گوستگیں دیمروئی آنی وھد ءَ پاکستان ءِ بے مٹیں کمک ءِ واستہ ترک حکومت ءُ الس ءِ دل ءِ تہ ءَ چہ منت واری ءِ درشان کت۔ آئی ءَ ترکیہ ءِ اصولی موقف ءُ پاکستان ءِ واستہ ترکیہ ءِ مہلوک ءِ مھکمیں کمک ءَ را ساڑات ءُ پاکستان ءِ واستہ مزنیں آسراتی ءُ مھکم ءِ وسیلہ گوشت۔ مزن وزیر ءَ پاکستانی سلاہ بندیں اُرد آنی جزم، دلیری، قربانی ءِ جذبہ ءُ دلجمیں راج دوستی ءِ سر ءَ زور پر دات کہ ایشی ءَ را بے دروریں رنگ ءَ درشان کنگ بوتگ ءُ 2019 ءِ دفاع ءِ تہ ءَ ’’حق ءِ جنگ‘‘ ءُ آپریشن ’’بناسان مرسس‘‘ ءِ تہ ءَ پاکستان ءِ شاندار سوبمندی ءِ تہ ءَ مزنیں کرد پیلو کتگ۔ آئی ءَ اقتصادی کمک ءَ را گیش مھکم کنگ ءِ ضلورت ءِ سر ءَ زور پر دات، ھاسیں رنگ ءَ یکجائی منصوبگ ءُ یکجائی دلچسپی ءِ کلیدی شوبگ چوشکہ قابل تجدید توانائی، انفارمیشن ٹیکنالوجی، دفاع، بنیاتی ڈھانچہ ءِ دیمروئی، کشت ءُ کشاری ءُ دگہ آناں دو نیمگی سرمایہ کاری ءَ را گیش کنگ ءِ کلیدی راہ آنی رنگ ءَ دیم ءَ آرگ۔ دوئیں رہشوناں دو نیمگی سیادی ءِ درستیں تک ءُ پھنات آنی سر ءَ سرجمیں چار ءُ تپاسی کت ءُ اسٹریٹجک شریکداری ءَ را گیشیں بالاد ءَ سر کنگ ءِ وتی عزم ءِ پدا زور دات۔ فروری 2025ءَ اسلام آباد ءَ برجم داشتگیں مزن تک ءِ اسٹریٹجک کمکی کونسل ءِ 7می دیوان ءِ ساھت ءَ سر بوتگیں کلیدی آسراتی آنی سر ءَ عمل درآمد ءِ سر ءَ ھم چار ءُ تپاسی کت۔دو نیمگی جیڈھ آناں ابید مزن وزیر شہباز شریف ءُ صدر اردوان ءَ دمگی ءُ میاں اوستمانی تک ءَ ھاسیں دیمروئی آنی سر ءَ ھیال ءُ لیکہ آنی درشان کت۔ دوئیں رہشوناں جموں ءُ کشمیر ءِ جیڈھ ءَ ھوار وت مہ وتی جیڈھ آنی سر ءَ وتی اصولی کمک ءِ پدرائی کت۔ ایشاں غزہ ءِ ھرابیں انسانی جاور ھال ءِ سر ءَ ھم سکیں دلپدردی ءِ درشانی کتگ ءُ زوتیں جنگ بندی ءُ آماچیں فلسطینی آبادی ءَ را بے رکاوٹیں انسانی کمک ءِ رسگ ءِ لوٹ کتگ۔ گند ءُ نند پاکستان ءُ ترکیہ ءِ نیام ءَ کثیر جہتی کمک ءَ را گیش گہتر کنگ ءِ نوکیں عہد ءِ گوما آسر بوت۔ دوئیں رہشوناں دمگی امن، برجمیں دیمروئی ءُ وتی راج ءِ مشترکہ وشحالی ءِ ھاتر ءَ یکجائی ءَ کار کنگ ءِ وعدہ کتگ۔ نائب مزن وزیر ءُ درئی کارانی وزیر محمد اسحاق ڈار، وفاقی وزیر ءِ ھال ءُ اھوال عطا اللہ تارڑ، مزن وزیر ءِ ھاسیں کمکار سید طارق فاطمی ءُ ترکیہ ءَ پاکستان ءِ سفیر ڈاکٹر یوسف جنید ھم پاکستانی ڈل ءَ ھوار اَت۔ ایشی ءَ چہ پد ترکیہ ءِ صدر رجب طیب اردوان ءَ مزن وزیر شہباز شریف ءُ آئی ءِ ھمراھیں ڈل ءَ را مراگش ءِ وش اتک ھم کت۔
