استنبول۔25مئی (اے پی پی): مزن وزیر محمد شہباز شریف ترکیہ ءِ دو روچی تر ءُ تاب ءَ استنبول ءَ سر بوتگ۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءِ استنبول ءَ سر بوھگ ءِ وھد ءَ مزن وزیر ءَ را ترک وزیر دفاع یشار گلر ، ڈپٹی گورنر استنبول اردوان توران ایرمش، ترکیہہ میں پاکستانی سفیر یوسف جنید، کونسل جنرل استنبول نعمان اسلم ، ترکیہ ءَ نندوکیں ٹوھیں کارندہ ءُ ترکیہ ءَ پوسٹیں پاکستانی سفیر آں آئی ءَ را وش آتک کتگ۔ مزن وزیر شہباز شریف گوں مرچی ترکیہ ءِ صدر رجب طیب اردوان ءَ گند ءُ نند کنت ۔ دوئیں رہشون ترکیہ ءُ پاکستان ءِ نیام ءَ دفاع، تجارت، جان سلامتی ءُ دود ءُ ربیدگ ءَ ھوار جتا جتائیں شوبگ آنی تہ ءَ کمک ءَ را گیش پراھی کنگ ءِ سر ءَ گپ ءُ تران کن اَنت۔ مزن وزیر ءِ تر ءُ تاب ءِ مول ءُ مراد ترکیہ ءِ الس ءُ ھاسیں رنگ ءَ ترکیہ ءِ صدر ءِ منت گرگ اِنت کہ آ انوگیں ہندوستان ءُ پاکستان ءِ کش ءُ چیل ءِ وھد ءَ سرجمیں رنگ ءَ کمک کتگ۔ ترکیہ ءَ مدامیگیں رنگ ءَ اے رند ءَ ھم وھدیکہ بھارت ءِ نیمگ ءَ چہ پاکستان ءِ سر ءَ جنگ کپار کنگ بوت گڈا پاکستان ءِ گواچنی بنگپ ءُ لیکہ ءِ کمک کتگ۔ نائب مزن وزیر ءُ وزیر ءِ درئی کار سینیٹر محمد اسحاق ڈار، وزیر ءِ اھوالکاری ءُ شنگ کاری عطا اللہ تارڑ ءُ ھاسیں کمکار طارق فاطمی ھم مزن وزیر ءِ ھمبراہ اَت۔
