اسلام آباد۔25مئی (اے پی پی): مزن وزیر محمد شہباز شریف ءَ خضدار ءَ بھارتی کمک ءِ ناشرکار آنی نیمگ ءَ اسکول بس ءِ سر ءَ بزدلیں اُرش ءَ ٹپی بوتگیں دو زھگ آنی شھید بوھگ ءِ سر ءَ سک باز دلپدردی ءُ رنج ءِ درشانی کتگ ءُ گوشت کہ اے بھارت ءِ کمک ءَ چہ ناشرکار وتی ارادہ ءَ را آرگ بنت۔ یک شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءَ زھگ آنی مات ءُ پت آنی گوما ھم ھمدردی ءِ درشانی کتگ۔ مزن وزیر ءَ گوشت کہ ھندی سرپرستی ءَ کار کنوکیں ناشرکار آنی نیمگ ءَ اسکول بس ءِ تہ ءَ بے گناھیں زھگ آنی سر ءَ اُرش ایشانی بلوچستان ءِ گوں دژمنی ءِ پدریں ثبوت انت۔ ناشرکاراں ظلم ءُ زوراکی ءِ ھرچ حد ءُ سیمسر چہ دیم ءَ شتگ اَنت۔ اے ناشرکار کہ ھندوستان ءِ سرپرستی ءَ رودینتگ اَنت آھانی آسر ءَ سر کنگ بنت ءُ برگ بنت۔ مزن وزیر ءَ گوشت کہ بھارت ءِ کمک ءَ اے ناشرکار آنی بلوچستان ءِ امن ءَ را ھراب کنگ ءِ واستہ نا شریں ارادہ آناں ھلاس کنگ ءِ واستہ ھچ وڑیں کوشست ءِ رکینگ نہ بیت۔ اے ناشرکار کہ پاکستان ءِ باندات ءَ نشانگ جوڑ کنگ ءَ اَنت گستاخی ءِ کچ ءَ ایر کنگ بنت۔ مزن وزیر ءَ گوشت کہ سرجمیں راج ءِ ھمدردی ھمے بے گناھیں زھگ آنی کھول آنی گوما اِنت کہ ناشرکار آنی بربریت ءِ آماچ بوتگ اَنت۔ ملک ءَ چہ ناشرکاری ءِ سرجمی ءَ ھلاس کنگ ءِ جنگ ءَ سیکورٹی فورسز ءُ پاکستان ءِ حکومت جزمیگ اِنت۔
