اسلام آباد۔26مئی (اے پی پی): ڈپٹی چیئرمین سینیٹ سیدال خان ءَ چین ءِ تر ءُ تاب ءِ وھد ءَ 9می سلک روڈ انٹرنیشنل ایکسپو ءِ تر ءُ تاب کتگ۔ آئی ءَ نمائش ءِ تہ ءَ جتا جتائیں اسٹالانی چار ءُ تپاسی کتگ ءُ ایکسپو ءَ بھر زوروکیں میاں اوستمانی ڈل آنی گوما گند ءُ نند کتگ۔ ڈپٹی چیئرمین تمونو ءَ اے موہ ءِ سر ءَ گوشت کہ پاکستان ءُ چین ءِ دوستی وھد ءِ چکاس ءَ برجم بوتگ ءُ دوئیں ملک آں ھمک گرانیں وھد ءَ یک ءِ دومی ءِ کمک کتگ۔ آئی ءَ گوشت کہ اے اسٹریٹجک شریکداری ءَ را دفاع، توانائی، انفراسٹرکچر، کمیونیکیشن، آئی ٹی ءُ ایندگر شوبگ آنی تہ ءَ دو نیمگی کمک ءِ وسیلگ ءَ گیش مھکم کنگ بوت کنت۔ آئی ءَ گوشت کہ چین پاکستان اقتصادی راہداری نہ ایوک ءَ دو نیمگی دیمروئی ءِ ضمانت اِنت بلکینگ ءَ سرجمیں دمگ ءِ واستہ اقتصادی انقلاب ءِ محرک ھم اِنت۔ اے شریکداری ءَ را دوئیں ملک آنی نیام ءَ انفراسٹرکچر سرمایہ کاری، ادارگی کمک، ءُ یکے دومی ءِ سیادی ءَ را گیش دیمروئی دیگ ءَ نوکیں بالاد ءَ سر کنگ بوت کنت۔ ڈپٹی چیئرمین منی ءَ نمائش ءِ مزنیں معیار ءُ چین ءِ دیمروئی ءِ کوشست آناں ساڑات ءُ گوشت کہ اے وڑیں گلوبل پلیٹ فارم وت مہ وتی کمک ءُ تجارتی سیادی ءَ را گیش کنگ ءَ ھاسیں کرد پیلو کن اَنت۔
