اسلام آباد۔26مئی (اے پی پی): راجی اسمبلی ءِ اسپیکر سردار ایاز صادق ءَ لاہور قلندر ءَ را پاکستان سپر لیگ ءِ 10می رند ءَ سوبمندی ءِ پد ءَ مبارک بات داتگ۔ وتی مبارکی کلوہ ءِ تہ ءَ آئی ءَ گوشت کہ لاہور قلندر ءِ سوبمندی ٹیمب ورک ءُ محنت ءِ آسر انت۔ پی ایس ایل 10 ءِ فائنل ءَ دوئیں ٹیماں جوانیں کارکردگی پیش داشتگ ءُ کرکٹ ءِ شائقین ءَ را جوانیں کرکٹ ءِ گندگ ءِ موہ رستگ۔ پی ایس ایل 10 ءِ تہ ءَ درستیں ٹیم آں جوانیں کارکردگی پیش داشتگ ءُ کرکٹ شوقین آں جوانیں کرکٹ ءِ وشھال بوھگ ءِ موہ رستگ۔ من چیئرمین پی سی بی ءُ پی سی بی ءِ انتظامیہ ءَ را جوانیں بندوبست ءِ ھاتر ءَ مبارک بات دیان آں ۔ قومی اسمبلی ءِ صدر ءَ گوشت کہ پی ایس ایل 10 ءِ تہ ءَ مثالی سیکورٹی بندوبست ءِ واستہ سیکورٹی ادارگ ستا ءِ مستحق اَنت، اے موہ ءَ درملکی پلیئر آنی بھر زوری میاں اوستمانی بھروسہ ءِ درشان اِنت۔ میچ آنی پرامن برجم دارگ ءَ پاکستان ءِ جوانیں امیج ءَ را پدر کتگ۔ اسپیکر راجی اسمبلی ءَ پی ایس ایل 10 ءَ بھر زوروکیں درستیں کھڈکار آناں نیکیں واھگ آنی درشان کت۔
