اسلام آباد۔23مئی (اے پی پی): معاون مزن وزیر ءُ دری کارانی وزیر سینیٹر محمد اسحاق ڈار ءَ سرکاری پڑ ءِ دیمروئی پروگرام 2025 ءُ 2026 ءِ کمیٹی ءِ دیوان ءِ سروکی ءَ کت۔ فوڈ سیکیورٹی، مزن وزیر ءِ مشیر ڈاکٹر توقیر شاہ ، مزن وزیر ءِ سیاسی امور ءِ ھاسیں کمکار، سیکرٹری پلاننگ ءُ سیادی داروکیں محکمہ آنی ایندگر مزنیں کارندہ۔ پلاننگ کمشنر ءَ پی ایس ڈی پی ءِ جاری منصوبگ آنی جاور ھال، آیوکیں مالی سال ءِ واستہ پیش کرتگیں اولیت ءُ ایشی ءِ سر ءَ عمل درآمد ءِ چیلنج آنی بابت ءَ سرجمیں بریفنگ داتگ۔ دیوان ءَ گریبی ءِ چیلنج آناں گیواری ءِ واستہ سرکاری ءُ نجی شریکداری ءِ ارزشت ءِ سر ءَ زور پر دات ءُ پی ایس ڈی پی ءِ سر ءَ سرجمیں چار ءُ تپاسی ءِ واستہ یکجائی کمیشن ءِ جوڑ کنگ بوت ءُ کارروائی ءِ لائکیں سفارشات ءِ دیم ءَ آرگ بوت۔ نائب مزن وزیر ءَ اے گپ ءِ سر ءَ زور پر دات کہ پی ایس ڈی پی ءِ اولویت آناں ھاسیں رنگ ءَ روزگار ءِ پیداک کنگ، گریبی ءِ کمی ءُ دمگی برابری ءِ ھاتر ءَ ٹھوس چاگردی ءُ اقتصادی آسراتی رسگ لوٹ ایت کہ اے مزن وزیر ءِ ”اودان پاکستان“ ءِ وژن ءِ رد ءَ ءُ نوکیں دیمروئی ءِ ھاتر ءَ اِنت۔ دیوان ءِ تہ ءَ نشاندہی کتگیں اولویت ءِ شوبگ آنی تہ ءَ سی پیک ءِ دومی بھر ءِ چیر دستی ءَ توانائی، ٹرانسپورٹ، آپ، کشت ءُ کشاری، ٹیکنالوجی، انفراسٹرکچر ءُ اسٹریٹجک گامگیج ھوار اَنت کہ ایشی ءِ تہ ءَ نزوریں دمگ آناں بااختیار جوڑ کنگ ءُ راجی پیداواری گنجائش ءَ را گیش کنگ ءِ سر ءَ دلگوشی دیگ بیت۔
