کوئٹہ ۔23مئی (اے پی پی): بنجاھی وزیر اھوالکاری ءُ شنگکاری عطا اللہ تارڑ ءَ گشتگ پاکستانی راج ءِ جزم ءَ ہچ چیز شکست دات نہ کنت۔ خضدار ءِ بس ءِ وئیل ءَ بیران ءُ ٹپی بوتگیں زھگانی مات ءُ پتانی ھمت ءُ جزبگ قابلِ ذکر اِنت۔ ما ایشاں خراج تحسین پیش کنیں۔ بھارت وتی پراکسیانی وسیلہ ءَ بلوچستان ءَ بے رھبند کنگ لوٹیت بلے ما بھارت ءِ بدیں ارادہ ءَ را ڈگار ءَ جنئیں ءُ ھرچ قیمت ءَ امن ءُ ایمنی ءِ برجائی ءَ کنیں۔ بھارت ءَ را زبردستیں شکست ءِ دیم ءَ کپتگ۔ نوں نرمیں ٹارگٹے ءِ سرا ایر کپتگ۔ ایشی ءَ چہ ہندوستان ءِ بغاوت ھلاس بیت۔ مودی ءُ آئی ءِ ھمراھ سازش ءِ وسیلہ ءَ وتی تقریرانی تہ ءَ بلوچستان ءِ نام ءَ گر اَنت۔ مزن وزیر ءُ فیلڈ مارشل بلوچستان ءَ را ایمنی ءِ جھولا جوڑ کنگ ءَ جزم انت۔ اے پاکستان ءِ سوبمندی اِنت کہ کشمیر ءِ جیڈھ یک رندے پدا جھان ءِ تک ءَ دیم ءَ آرگ بوتگ۔ جمعہ ءِ روچ ءَ خضدار بس ءِ واکیہ ءِ آماچ بوتگیں زھگانی ادا آیگ ءَ پد رسانکدر ءَ گوں تران کنان ءَ بنجاھی وزیر ءِ اھوالکاری ءَ گوشت کہ دل ءِ ٹُکّریں خضدار بس ءِ وئیل ءَ مئے زھگاں مزنیں قربانی داتگ، ءُ آماچیں زھگ آنی مات ءُ پت آنی جزم ءُ جذبہ باز اِنت۔ آئی ءَ گوشت کہ سوبیدار سلمہ ءَ وتی دوئیں زھگ دفن کتگ اَنت وھدے کہ آئی ءِ زھگ سک ٹپیگ بوتگ، پدا ھم آئی ءَ ایمبولینس ءِ دیم ءَ پاکستان ءِ حق ءَ نعرہ جنگ برجاہ داشتگ۔ یک مردے ءِ چار چُک سک ٹپیگ بوتگ اَنت بلے آیانی حوصلہ باز اِنت۔ آئی ءَ گوشت کہ مرچی آ میان استمانی ءُ راجی رسانکدر ءَ خضدار ءَ آرگ ءَ آں کہ آھاں راستیں جاورھال آنی بابت ءَ سرپدی بہ دنت تانکہ راج ءَ را راستی آنی بابت ءَ سرپد دارگ بہ بیت۔ بنجاھی وزیر ءَ گوشت کہ ھک آنی جنگ ءَ آپریشن ’’بنان مرسوس‘‘ ءِ شکست ءَ پد بھارت نوں نرمیں ٹارگٹ آنی سر ءَ اتکگ۔ آئی ءَ اے گپ پدر کت کہ بلوچستان ءَ چہ کلبھوشن جادھو ءِ دزگیری بھارت ءِ ناشرکاری ءِ تہ ءَ ھوار بوھگ ءِ ناقابل تردیدیں ثبوت اِنت۔ آئی ءَ گوشت کہ جنگول گلزار امام شمبے ءُ سرفراز بنگلزئی ءَ ھم ھندوستان ءِ سرپرستی ءِ اعتراف کتگ۔ عطا اللہ تارڑ ءَ گوشت کہ بھارت وتی پراکسی آنی وسیلگ ءَ بلوچستان ءَ بے رھبند کنگ لوٹ ایت۔ آپریشن “بنان مرسوس” ءِ وھد ءَ بلوچستان ءَ 33 اُرش کنگ بوتگ کہ اے ھندوستان ءِ نا شریں نیتانی درشان اِنت۔ آئی ءَ گوشت کہ مزن وزیر شہباز شریف ءُ فڈکے مارشل عاصم منیر ءِ اے گپ ءِ سر ءَ مھکمیں جزم انت کہ ناشرکاری چیر ءَ کشگ بیت ءُ بلوچستان ءَ را امن ءِ جھولا جوڑ کنگ بیت۔ بنجاھی وزیر ءَ گوشت کہ ڈی جی آئی ایس پی آر ءِ نیمگ ءَ شنگ بوتگیں آڈیو آں اے ھم ثابت کتگ کہ بھارتی ہینڈلر ناشرکاری ءِ کار آنی تہ ءَ چون ھوار اَنت۔ آئی ءَ گوشت کہ پاکستانی راج یکجاہ اِنت ءُ پاکستانی اُرد ھمک رنگ ءِ نیمگ ءَ ناشرکاری ءَ گوں گر ءُ چیل بوھگ ءِ واستہ ساڑی اِنت۔ “فتنہ الهندستان” ہر جاہ ءَ بے ننگ بیت۔ آئی ءَ اے جُست چست کت کہ آیا مودی سرکار ءَ گوں بلوچستان ءِ وئیلاں ھچ سیادی ھست کہ آ وتی ترانانی تہ ءَ بار بار ایشی ءِ نام ءَ گپت کنت؟ جعفر ایکسپریس ءِ وئیل ءِ ویڈیو ھمے ناشرکاراں ھندی رسانکدر ءَ داتگ کہ اے گپ ءِ پدّریں شوھاز اِنت کہ بلوچستان ءَ ناشرکاری ءِ کارانی تہ ءَ ھندوستان دیم پہ دیم ءَ ھوار اِنت۔ بنجاھی وزیر ءَ گوشت کہ مئے حوصلہ ءُ جزم مزن انت ۔ ہندوستان ءَ را تلخیں جنگے ءِ دیمپانی کنگی ات، آئی ءِ شش بالی گراب تیرگواری کنگ بوت انت ءُ ہندوستان ءَ وت من اِت کہ آئی ءَ مزنیں تاوانے رستگ۔ بنجاھی وزیر ءَ گوشت کہ مزن وزیر شہباز شریف، پاکستانی اُرد، فیلڈ مارشل عاصم منرو، ایئر چیف ظاہر احمد بابر ءُ نیول چیف نوید اشرف ءَ بھارتی زوراکی ءِ لائکیں پسو داتگ۔ آئی ءَ گوشت کہ بلوچستان ءَ امن ءِ دوبر بیگ ءِ واستہ درستیں سیاسی گل ءُ ادارگ یکجائی ءَ کار کن اَنت ۔ یک جستے ءِ پسو ءَ آئی ءَ گوشت کہ مئے بامرد ءَ ناشرکار آناں جہنم ءَ سر کتگ۔ اے وڑیں قانون جوڑ کنگ بہ بنت کہ ہر ناشرکار سزا دیگ بہ بیت، ایشی ءِ واستہ پارلیمنٹ ءَ ہم کرد پیلو کنگی بیت، اے ہر پاکستانی ءِ دل ءِ توار انت۔ عطا اللہ تارڑ ءَ گیش گوشت کہ استیں جاور آنی تہ ءَ ناشرکاری ءِ چیلنج ءَ گوں گر ءُ چیل بوھگ ءَ انت۔ ناشرکاری ءِ ھلاسی ءَ بلوچستان سرکار ءُ پاک آرمی ءِ مزنیں کردے بوتگ ۔ بنجاھی وزیر ءَ گوشت کہ مزن وزیر ءُ فیلڈ مارشل ءِ جزم ناقابل حملہ انت۔ آئی ءَ گوشت کہ یک شکست واریں مزن وزیر ءِ گشتانک ءَ چہ زانگ بیت کہ آ انگت ءَ وتی شکست ءِ تور ءَ انت۔ گجرات ءِ قصائی مودی ءَ شکست ءُ ذلت ءِ دیمپانی کنگی ات۔ بنجاھی وزیر ءَ گوشت کہ وھدیکہ پاکستان ءَ سوبمندی ءِ وش آتک کنگ بوھگ ءَ انت دومی نیمگ ءَ بھارت ءَ مودی حکومت ءِ نیمگ ءَ جست چست کنگ بوتگ انت کہ آ ایشانی پسو دیگ ءَ بے سوب انت۔ ھندی رسانکدر، سیاستدان ءُ سول سوسائٹی چہ مودی سرکار ءَ پسو لوٹگ ءَ اَنت ءُ آھانی گور ءَ وتی جستانی پسو نیست۔ بنجاھی وزیر ءَ گوشت کہ بھارت نوں ایوک ءَ دھموججن آنی تہ ءَ محدود بیت، مودی اے ناکام ءُ شکست داتگیں سائنسدان۔ آئی ءَ وتی اے جزم ءِ پدا زور دات کہ بھارتی ناشرکار کارکن ہر قیمت ءَ بے ننگ کنگ بنت۔ یک جست ءِ پسو ءَ بنجاھی وزیر ءَ گوشت کہ پاکستان ءِ یک دگہ مزنیں کامیابی ایش انت کہ جھان ءِ تک ءَ یک رندے پدا کشمیر ءِ جیڈھ ءَ را برجم دارگ بوتگ۔ آئی ءَ گوشت کہ سرکار ءِ بلوچستان ءِ ھوالگ ءَ رپک ھمک جاگہ ءَ است انت ءُ جیڈھ آنی گیواری ءِ واستہ مسلسل گامگیج زورگ بوھگ ءَ انت۔ آئی ءَ گوشت کہ ما بلوچستان ءَ مکر ءَ تر ءُ تاب ءَ برجاہ دار ایں ءُ درستیں جیڈھ آناں جوانیں رنگ ءَ دیم ءَ برگ ءَ آں ۔ بنجاھی وزیر ءِ اھوالکاری ءَ زھگ آنی کھول آنی گوما ھم گند ءُ نند کتگ ءُ آوانی ھمت ءِ ساڑاتگ۔ مات ءُ پت ءِ دلیری ءِ گندگ ءَ پد منی دل محکم بوت۔ ٹپیگیں زھگانی زوت جان سلامتی ءِ دعا کنان ءَ آئی ءَ گوشت کہ داں اے جذبہ مان اِنت ھچ دژمن پاکستان ءَ را ھلاس کُت نہ کنت زھگانی قربانی مدام یات کنگ بیت۔
