اسلام آباد۔23مئی (اے پی پی): مزن وزیر ءِ ھاسیں کمکار ہارون اختر خان ءَ گشتگ کہ حکومت ءُ وزارت صنعت ءُ پیداوار کاروباری براتی ءِ جیڑہاں گیش ءُ گیوار کنگ ءِ ھاتر ءَ کار کنگ ءَ انت۔ اے ھیالانی درشانی ھارون اختر خان ءَ پاکستان ونسپتی مینوفیکچررز ایسوسی ایشن ءِ گوما مزن تک ءِ گند ءُ نند ءِ ساھت ءَ کتگ اَنت۔ وزارت صنعت ءُ پیداوار ءِ نیمگ ءَ جمعہ ءِ روچ ءَ جاڑی بوتگیں بیان ءِ رد ءَ پاکستان ونسپتی مینوفیکچررز ایسوسی ایشن ءِ ڈل ءَ مزن وزیر ءِ ھاسیں کمکار ہارون اختر خان ءَ گوں گند ءُ نند کت۔ گند ءُ نند ءَ پی وی ایم اے ءِ چیئرمین شیخ عمر ریحان، سیکرٹری وزارت صنعت ءُ پیداوار سیف انجم ءُ گھی ءِ صنعت ءِ نمائندگ ھم ھوار اتنت۔ اے موہ ءِ سر ءَ گھی ءِ صنعت ءِ چیلنج آنی سر ءَ سرجمیں رنگ ءَ گپ ءُ تران کنگ بوت۔ ہارون اختر خان ءَ صنعت ءِ نیمگ ءَ چست کتگیں جیڈھ آناں منگ ءِ وھد ءَ حکومت ءَ را سرجمیں کمک ءِ دل یکیمی دات ءُ گوشت کہ صنعت ءِ سر ءَ ھچ وڑیں گیشیں زور دیگ نہ بیت۔ آئی ءَ گیش کرتگ کہ درستیں بقایا واجبات زوتاں چہ زوت ادا کنگ بنت۔ آئی ءَ گوشت کہ مزن وزیر شہباز شریف ءِ حکومت دراہیں زیر اوستیں ادائیگی آنی وھد ءِ سر ءَ پجاری ءَ را دل یکیمی کنت۔ نقد ادائیگی ءِ وھد ءِ ضلورت ءِ منگ ءَ آئی ءَ گوشت کہ ادائیگی ءِ عمل ءَ را ترند کنگ بیت۔ ہارون اختر خان ءَ کم آمدنی ءِ ھاندان آنی کمک ءِ واستہ حکومت ءِ گوستگیں کوشست آناں ھم پدر کت ءُ گوشت کہ مزن وزیر شہباز شریف ءَ رمضان ءِ پیکج ءَ را مستحق آنی گس آناں سوبمندیں رنگ ءَ سر کتگ۔ آئی ءَ صنعت ءِ جیڈھ آنی گیواری ءِ واستہ وزارت ءِ صنعت ءُ پیداوار ءِ سرجمیں جزم ءِ یک رندے پدا گوشت کہ حکومت ءُ وزارت ءِ صنعت ءُ پیداوار شمئے جیڈھ آنی گیواری ءِ واستہ مدام است انت۔ ہارون اختر خان ءَ گوشت کہ مزن وزیر شہباز شریف کاروباری برات ءَ را آسراتی ءِ واستہ ھمک رنگ ءِ گامگیج کنگ ءِ واستہ جزمیگ انت۔
