اسلام آباد۔23مئی (اے پی پی): بنجاھی وزیر تہی کار محسن نقوی ءَ گوستگیں شپ ءَ جناح اسکوائر مری روڈ انڈر پاس منصوبہ ءِ تر ءُ تاب کتگ۔ وزیر تہی کار ءَ افتتاحی مراگش ءِ بندوبست آنی چار ءُ تپاسی کت ءُ اے درگت ءَ جوانیں بندوبست آنی ہدایت کت۔ وزارت تہی کار ءِ نیمگ ءَ جمعہ ءِ روچ ءَ جاڑی بوتگیں بیان ءِ رد ءَ وزیر تہی کار محسن نقوی ءَ منصوبگ ءِ فنشنگ کار ءِ سرجمی ءِ واستہ برجاھیں کار آنی سر ءَ چار ءُ تپاسی کتگ۔ وزیر تہی کار محسن نقوی ءِ ہدایت ءِ رد ءَ لینڈ اسکیپنگ ءُ باغبانی ءِ کار جاری انت۔ وزیر تہی کار محسن نقوی ءَ قائداعظم محمد علی جناح ءِ مجسمہ ءِ جاہ ءِ ہم چار ءُ تپاسی کت کہ جناح اسکوائر ءِ موہ ءَ ایشی ءِ پچ کنگ بوتگ۔ آئی ءَ گوشت کہ اے منصوبگ ءَ چہ مری ءِ شہری آناں ٹرانسپورٹ ءِ واستہ سک باز آسراتی رس ایت۔ وھد ءِ گوزگ ءَ گوں شہری ھم ایندھن ءِ بچت ءَ کن اَنت۔ پاکستان ءِ راجدپتر ءِ تہ ءَ اولی رند ءَ انڈر پاس ءِ منصوبگ ایوک ءَ 35 روچ ءِ ریکارڈ وھد ءِ تہ ءَ سرجم کنگ بوتگ۔ منصوبگ ءِ سرجمی ءِ بابت ءَ سی ڈی اے ءِ چیئرمین محمد علی رندھوا ءَ بریفنگ دات۔
